ນັກວິໄຈໃນອົດສະຕຣາລີຕາເວັນຕົກພົບພາບສະເທືອນໃຈ ເມື່ອ “ແຟຣັກເກີລ” ໂລມາປາກຂວດເພດແມ່ ໃນອ່າວເລຊໂນລຕ໌ ສູນເສຍລູກນ້ອຍທີ່ເພິ່ງເກີດໄດ້ພຽງຮາວ 2 ສັບປະດາໃນຊ່ວງທ້າຍເດືອນກໍລະກົດ 2026.
ນັກວິທະຍາສາດຈາກສູນວິໄຈທາງທະເລຈີໂອກຣາຟ ຕິດຕາມແມ່ລູກຄູ່ຄູ່ນີ້ຢ່າງໃກ້ຊິດ ເນື່ອງຈາກລູກໂລມາທີ່ເກີດໃນຊ່ວງລະດູໜາວມີຄວາມສ່ຽງສູງຕໍ່ການເສຍຊີວິດ. ກ່ອນລູກໂລມາໂຕນ້ອຍຈາກໄປ ນັກວິໄຈພົບວ່າມີອັດຕາການຫາຍໃຈຜິດປົກກະຕິ ຊຶ່ງເປັນສັນຍານວ່າສຸຂະພາບກຳລັງທຣຸດລົງ.
ຫຼັງການສູນເສຍ ແຟຣັກເກີລ ຍັງຄົງລອຍນ້ຳຢູ່ຄຽງຂ້າງຮ່າງລູກບໍ່ຍອມໃຫ້ຈົ່ມລົງ ແລະ ໃຊ້ເວລາຫຼາຍວັນພະຍຸງຮ່າງລູກນ້ອຍໄວ້ກາງນ້ຳ ຣາວາກັບຍັງບໍ່ພ້ອມທີ່ຈະປ່ອຍຈາກລາ. ອາດເປັນລູກໂຕທີ 4 ຫຼື 5 ທີ່ນາງສູນເສຍໄປ.
ພາບຈາກໂດຣນຍັງເຜີຍໃຫ້ເຫັນຝູງໂລມາຣາວ 14 ໂຕລອຍຢູ່ເກືອບໆ ແມ່ໂລມາ ເໝືອນຄອຍຢູ່ເປັນເພື່ອນ ແລະ ໃຫ້ກຳລັງໃຈໃນຊ່ວງເວລາແຫ່ງຄວາມໂສກເສົ້າ.
ນັກວິໄຈລະບຸວ່າ ພຶດຕິກຳລັກສະນະນີ້ສະທ້ອນເຖິງສາຍສຳພັນອັນເລິກເຊິ່ງຂອງສັດທະເລບາງຊະນິດ ຊຶ່ງອາດມີຄວາມຮູ້ສຶກເສົ້າໂສກ ແລະ ຄວາມຜູກພັນກັບລູກນ້ອຍເຊັ່ນດຽວກັບມະນຸດ.
