ຫ້ອງວ່າການເມືອງປາກຊ່ອງ ຂໍຖືເປັນກຽດແຈ້ງມາຍັງ ທຸກພາກສ່ວນ ເພື່ອຊາບວ່າ: ໄລຍະຜ່ານມາມີຝົນຕົກ ຢູ່ໃນລະດັບກາງ ຫາ ຕົກຫນັກ ໃນຂອບເຂດພື້ນທີ່ອ່າງເກັບນໍ້າ ເຂື່ອນນໍ້າປາ ແລະ ນໍ້າພາກ ເຮັດໃຫ້ລະດັບນໍ້າຫນ້າອ່າງ ເພີ່ມຂື້ນໄວ ແລະ ກົມອຸຕຸນິຍົມແລະອຸທົກກະສາດ ໄດ້ແຈ້ງການວ່າຈະມີຝົນຕົກຫນັກສືບຕໍ່ເປັນເວລາຫຼາຍວັນຕິດຕໍ່ ກັນ; ເຊິ່ງຄະນະຮັບຜິດຊອບຂອງໂຄງການໄດ້ມີການປະເມີນ ແລະ ຄາດການວ່າ ລະດັບນໍ້າຈະເຕັມອ່າງ (ເຕັມ ຄວາມຈຸຂອງອ່າງ); ສະນັ້ນ ບໍລິສັດ ເຂື່ອນໄຟຟ້າ ນໍ້າປາກຊ່ອງ ຈະໄດ້ມີການປ່ອຍນໍ້າຜ່ານອຸໂມງນໍ້າລົ້ນ ຂອງ ເຂື່ອນນໍ້າພາກ ປະມານ 50 – 100 ແມັດກ້ອນ ຕໍ່ວິນາທີ ລົງສູ່ຫ້ວຍນ້ໍາພາກ ແຕ່ວັນທີ 23 ສິງຫາ 2026 ເປັນຕົ້ນ ໄປ ຈົນກວ່າປະລິມານນໍ້າຫນ້າອ່າງຈະຫຼຸດລົງເປັນປົກກະຕິ.
ມອບໃຫ້ຄະນະກໍາມະການປົກຄອງຕາແສງ ປະສານສົມທົບກັບອົງການປົກຄອງບ້ານ ທີ່ຢູ່ເຂດໄກ້ຄຽງ ຈົ່ງໄດ້ແຈ້ງເຖິງພໍ່ແມ່ປະຊາຊົນທີ່ອາໃສຢູ່ພື້ນທີ່ດ້ານລຸ່ມອ່າງເກັບນໍ້າ ໃຫ້ເຂົາເຈົ້າຮັບຊາບຢ່າງທົ່ວເຖິງ ເພື່ອເຝົ້າ ລະວັງນໍ້າໄຫຼນອງ ແລະ ນໍ້າຖ້ວມຂັງ ຫຼືຍົກຍ້າຍຂື້ນບ່ອນປອດໄພລ່ວງຫນ້າ.
ດັ່ງນັ້ນ, ຈຶ່ງໄດ້ແຈ້ງມາຍັງພາກທ່ານເພື່ອຮັບຊາບ ແລະ ພ້ອມກັນຈັດຕັ້ງປະຕິບັດຮັບປະກັນໃຫ້ມີຄວາມ ສະຫງົບ ປອດໄພຮອບດ້ານ.
ແຈ້ງການດ້ານລຸ່ມນີ້:
