ເມື່ອເວລາປະມານ 05:20 ນາທີ ຂອງວັນທີ 18 ສິຫງາ 2026 ເຈົາໜ້າທີ່ 191 ໄດ້ຮັບແຈ້ງເຫດລົດຕູ້ໂດຍສານເສຍຫຼັກລົງຂ້າງທາງຈົນເກີດເພິງໄໝ້ລົດຕູ້ຄັນດັ່ງກ່າວ, ຈຸດເກີດເຫດບ້ານໂຄກລ່າມ ມ.10 ຕຳບົນໜອງໃຫຍ່ ອຳເພີໂພນທອງ ຈັງຫວັດຣ້ອຍເອັດ, ຫຼັງຈາກໄດ້ຮັບແຈ້ງເຫດເຈົ້າໜ້າທີ່ກູ້ໄພ ກໍຮີບເຂົ້າໄປຍັງຈຸດເກີດເຫດໂດຍໄວ.
ຈາກການກວດສອບເບື້ອງຕົ້ນໃຫ້ຮູ້ວ່າ: ລົດຕູ້ທະບຽນ 1 ນຊ 5478 ກທມ ເຊິ່ງລົດຕູ້ຄັນດັ່ງກ່າວມີຜູ້ໂດຍສານສັນຊາດລາວ 14 ຊີວິດ ເດີນທາງອອກຈາກກຸງເທບ ຕັ້ງແຕ່ເວລາ 21:00 ຂອງຄືນທີ່ຜ່ານມາ, ເພື່ອມຸ່ງໜ້າເດີນທາງກັບປະເທດລາວ ຈົນມາຮອດຈຸດເກີດຫເດຈຶ່ງໄດ້ເກີດອຸບັດຕິເຫດຂຶ້ນ.
ຈາກເຫດການດັ່ງກ່າວມີຜູ້ບາດເຈັບ 12 ຄົນ ໄດ້ນຳຕົວສົ່ງໂຮງໝໍແລ້ວ, ເບື້ອງຕົ້ນພົບຜູ້ເສຍຊີວິດໃນຈຸດເກີດເຫດ 1 ຄົນ ແລະ ມີຜູ້ສູນຫາຍ 1 ຄົນ ເຊິ່ງເຈົ້າໜ້າທີ່ກຳລັງເລັ່ງລະດົມຄົ້ນຫາບໍລິເວນເກີດເຫດ.
ພາກສ່ວນລາຍຊື່ຜູ້ປະເສົບເຫດໃນຄັ້ງນີ້ຢູ່ໃນລະຫວ່າງການກວດສອບຂອງເຈົ້າໜ້າທີ່ ຫາກມີຄວາມຄືບໜ້າຈະລາຍງານໃຫ້ຊາບຕື່ມພາຍຫຼັງ.
ທີ່ມາຂ່າວ: ສຳນັກຂ່າວ Amarin TV 34
