ເທດສະການຮູບເງົາເອີຣົບ ປະຈຳປີ 2026 ຈະກັບມາສ້າງສີສັນອີກຄັ້ງທີ່ນະຄອນຫລວງວຽງຈັນ ໃນລະ ຫວ່າງວັນທີ 21-24 ພຶດສະພາ 2026, ທີ່ສະຖາບັນຝຣັ່ງ ປະຈຳ ສປປ ລາວ ຊຶ່ງເປັນໂອກາດສຸດພິເສດທີ່ຜູ້ຊົມຈະໄດ້ສຳຜັດກັບຄວາມອຸດົມສົມບູນ ແລະ ຄວາມຫລາກຫລາຍຂອງຮູບເງົາເອີຣົບ.
ໃນປີ 2026 ນີ້, ພວກເຮົາໄດ້ຄັດສັນຮູບເງົາຈາກ 8 ປະເທດໃນເອີຣົບ ທີ່ຈະມາຖ່າຍທອດເລື່ອງລາວອັນຊົງພະລັງ, ຄວາມຄິດສ້າງສັນທາງສິລະປະ ແລະ ເຕັກນິກການສ້າງຮູບເງົາຮ່ວມສະໄໝຈາກເອີຣົບ.
ເລີ່ມແຕ່ຮູບເງົາແນວຊີວິດທີ່ສ້າງຄວາມປະທັບໃຈ ໄປຈົນເຖິງຮູບເງົາກາຕູນ ທີ່ເຕັມໄປດ້ວຍຈິນຕະນາການ, ຮູບເງົາແຕ່ລະເລື່ອງປຽບເໝືອນປ່ອງຢ້ຽມທີ່ເປີດໄປສູ່ວັດທະນະທຳ, ມຸມມອງ ແລະ ປະສົບການຊີວິດຂອງມະນຸດທີ່ແຕກຕ່າງກັນ.
ຮູບເງົາທຸກເລື່ອງຈະສາຍເປັນພາສາຕົ້ນສະບັບ ພ້ອມມີຄໍາບັນຍາຍເປັນພາສາລາວ ແລະ ພາສາອັງກິດ ເພື່ອໃຫ້ຜູ້ຊົມທຸກທ່ານສາມາດເຂົ້າເຖິງ ແລະ ຮັບຊົມໄດ້ຢ່າງເຕັມອີມ.
ງານເທດສະການນີ້, ເປີດໃຫ້ເຂົ້າຊົມຟຣີ ໂດຍບໍ່ເສຍຄ່າ ພ້ອມທັງມີອາຫານວ່າງ ແລະ ເຄື່ອງດື່ມໄວ້ບໍລິການໃຫ້ແກ່ຜູ້ເຂົ້າຮ່ວມງານທຸກໆມື້.
ບໍ່ວ່າທ່ານຈະເປັນຜູ້ທີ່ມັກຮັກໃນການເບິ່ງຮູບເງົາ, ນັກຮຽນ-ນັກສຶກສາ, ສິລະປິນ ຫລື ຜູ້ທີ່ຢາກຄົ້ນຫາປະສົບການໃໝ່ໆ ເທສະການຮູບເງົາເອີຣົບ 2026 ຈະເປັນ 4 ວັນທີ່ເຕັມໄປດ້ວຍຄວາມຊົງຈຳ, ວັດທະນະທຳ, ຄວາມຄິດສ້າງສັນ ແລະ ແຮງບັນດານໃຈທາງດ້ານຮູບເງົາທີ່ທ່ານບໍ່ຄວນພາດ.
