ພະແນກວັດທະນະທໍາ ແລະ ການທ່ອງທ່ຽວ ນະຄອນຫລວງວຽງຈັນ ລາຍງານວ່າ: ໂດຍປະຕິບັດຕາມແຈ້ງການ ຂອງພະແນກວັດທະນະທຳ ແລະ ການທ່ອງທ່ຽວ ນະຄອນຫລວງວຽງຈັນ ສະບັບເລກທີ 1084/ວທ.ນວ, ລົງວັນທີ 09 ສິງຫາ 2026 ປິດໃຫ້ບໍລິການຊົ່ວຄາວ ໃນໄລຍະວັນທີ 08-12 ສິງຫາ 2026 ເພື່ອເປັນການໄວ້ອາໄລຕໍ່ການຈາກໄປຂອງກຳມະການກົມການເມືອງສູນກາງພັກ, ປະທານສະພາແຫ່ງຊາດ.
ຜ່ານການກວດກາຕິດຕາມ ຂອງໜ່ວຍສະເພາະກິດ ປະກອບມີ ພະແນກວັດທະນະທຳ ແລະ ການທ່ອງທ່ຽວ ນະຄອນຫລວງວຽງຈັນພະແນກຕຳຫຼວດຄຸ້ມຄອງການທ່ອງທ່ຽວຫ້ອງການວັດທະນະທຳ ແລະ ການທ່ອງທ່ຽວເມືອງ ແລະ ພະແນກ 502 ຢູ່ຂອບເຂດ ເມືອງ ໄຊທານີ, ເຊິ່ງພົບເຫັນຮ້ານທີ່ລະເມີດຕໍ່ແຈ້ງການ ໄລຍະໄວ້ອາໄລປະທານສະພາແຫ່ງຊາດ ຄື:
1. ຮ້ານອາຫານ ນານ່າ ປີ້ງເປັດ ບ້ານຄໍາຮຸ່ງ ເມືອງໄຊທານີ (ເປີດເພງສຽງດັງ ມີຮ້ອງເພງຜ່ານໜ້າຈໍ)
2. ຮ້ານປີ້ງເປັດຫລັງບ້ານ ບ້ານຄໍາຮຸ່ງ ເມືອງໄຊທານີ (ເປີດເພງ ຮ້ອງເພງຜ່ານໜ້າຈໍ)
3. ຮ້ານປີ້ງເປັດຖິງໆ ບ້ານສີວິໄລ ເມືອງໄຊທານີ ຄົນຫລາຍ (ແຕ່ບໍ່ມີການເປີດເພງ)
4. ຮ້ານປີ້ງແບ້ແຈັກ ບ້ານໂນນຫວາຍ ເມືອງໄຊເສດຖາ ມີການເປີດເພງ ປິດເກີນໂມງເວລາ ເກີນ 23:00 ໂມງ
5. ຮ້ານອາຫານຈີນ ອູງໝີງ ບ້ານ ດົງປ່າລານ ເມືອງສີສັດຕະນາກ ເປີດກາຍ 01:00 ໂມງ ແຂກຫລາຍ ເປີດເພງສຽງດັງ (ກັກໜັງສືຜ່ານແດນ ພໍ່ຄົວຄົນຈີນ ຜູ້ຕາງໜ້າເຈົ້າຂອງຮ້ານຂຶ້ນມາ)
ຄະນະຮັບຜິດຊອບ ໄດ້ເຮັດບົດບັນທຶກກັບຮ້ານທີ່ລະເມີດ ແລະ ບໍ່ປະຕິບັດຕາມແຈ້ງການ ຂອງພະແນກວັດທະນະທຳ ແລະ ການທ່ອງທ່ຽວ ນະຄອນຫລວງວຽງຈັນ ຕາມລະບຽບການທີ່ກໍານົດໄວ້.
