ເຈົ້າໜ້າທີ່ 2 ທ່ານເສຍຊີວິດຫຼັງຈາກເຮລິຄອບເຕີ 2 ລຳເກີດເຫດຕຳກັນໃນຊ່ວງເຊົ້າວັນອາທິດ ຂະນະກຳລັງປະຕິບັດໜ້າທີ່ດັບໄຟປ່າທາງທິດຕາເວັນຕົກຂອງນະຄອນຫຼວງເອເທນ.
ໃນວັນອາທິດທີ 2 ສິງຫາ 2026, ທ່ານ ຄີຣຽກອສ ມິດໂຊທາຄິສ ນາຍົກລັດຖະມົນຕີກຣີສ ໄດ້ໂພສຂໍ້ຄວາມຜ່ານເຄືອຂ່າຍສັງຄົມອອນລາຍລະບຸວ່າ: ເຫດການເຮລິຄອບເຕີດັບເພີງ 2 ລຳຕຳກັນຈົນຕົກທັງສອງລຳ ສົ່ງຜົນໃຫ້ມີຜູ້ເສຍຊີວິດ 2 ສົບ ຄື: ເຈົ້າໜ້າທີ່ປະສານງານຊາວຕ່າງຊາດ/ກຣີສ 1 ທ່ານ ແລະ ນັກບິນຊາວເດນມາກ 1 ທ່ານ ໂດຍທັງສອງຢູ່ເທິງເຮລິຄອບເຕີລຳດຽວກັນ.
ຂະນະທີ່ເຈົ້າໜ້າທີ່ອີກ 2 ທ່ານໃນເຮລິຄອບເຕີລຳທີ 2 ຣອດຊີວິດ ເຊິ່ງເປັນນັກບິນຊາວອັງກິດ 1 ທ່ານ ແລະ ເຈົ້າໜ້າທີ່ຕິດຕໍ່ປະສານງານໜ່ວຍດັບເພີງຊາວຕຣີສ 1 ທ່ານ ທັງສອງຖືກນຳສົ່ງໂຮງໝໍກອງທັບອາກາດ 251 ໃນນະຄອນຫຼວງເອເທນ ເພື່ອຮັບການປິ່ນປົວແລ້ວ.
ສຳນັກງານດັບເພີງຂອງກຣີສລະບຸວ່າ: ເຫລິຄອບເຕີທັງສອງລຳເປັນເຄື່ອງທີ່ສຳນັກງານດັບເພີງເຊົ່າົາມາໃຊ້ໃນການດັບໄຟປ່າ, ໂດຍຕອນເກີດເຫດເຮລິຄອບເຕີທັງສອງລຳກຳລັງປະຕິບັດໜ້າທີ່ດັບໄຟປ່າບໍລິເວນເມືອງຊາທາ (Psatha) ແຂວງແອັດຕິກາ (Attica) ໂດຍມີເຈົ້າໜ້າທີ່ປະຈຳການຢູ່ເທິງເຄື່ອງເຮລິຄອບເຕີລຳລະ 2 ທ່ານ.
ທັງນີ້, ໄຟປ່າໄດ້ລາມລຸກລາມເປັນວົງກວ້າງໃນຫຼາຍພື້ນທີ່ຂອງກຣີສໃນລະດູຮ້ອນນີ້ ເຊິ່ງ ທີໂອດໍ ຈານນາຣອສ ນັກອຸຕຸນິຍົມວິທະຍາຊາວຕຣີສ ເປີດເຜີຍກັບສຳນັກຂ່າວບີບີຊີ (BBC) ກ່ອນໜ້ານີ້ວ່າ: ມີພື້ນທີ່ຖືກໄຟໄໝ້ທຳລາຍໄປແລ້ວຫຼາຍກວ່າ 100,000 ເຮັກຕາ (ປະມານ 625,000 ໄຮ່).
ຂ່າວ: bbc
