ເກີດເຫດໄຟໄໝ້ເຮືອໂດຍສານ ທີ່ອິນໂດເນເຊຍ ເສຍຊີວິດ 5 ຄົນ ແລະ ສູນຫາຍ 41 ຄົນ
ສຳນັກຂ່າວຕ່າງປະເທດລາຍງານວ່າ: ຕອນເຊົ້າວັນທີ 2 ສິງຫາ 2026 ເກີດເຫດໄຟໄໝ້ເຮືອກຳປັ່ນໂດຍສານຂ້າມຟາກ “ມູເຕຍຣາ ເຊນໂຕຊາ 2” (Mutiara Sentosa 2) ຢ່າງຮຸນແຮງຢູ່ກາງທະເລ ນອກຊາຍຝັ່ງແຂວງ ຈາວາຕາເວັນອອກ ປະເທດອິນໂດເນເຊຍ. ຈາກເຫດການດັ່ງກ່າວ ເຮັດໃຫ້ມີຜູ້ເສຍຊີວິດແລ້ວຢ່າງໜ້ອຍ 5 ຄົນ ແລະ ຍັງຄົງສູນຫາຍອີກ 41 ຄົນ,ໃນຂະນະທີ່ເກີດເຫດມີຜູ້ໂດຍສານ ແລະ ລູກເຮືອທັງໝົດ 271 ຄົນ, ທາງທີ່ເຈົ້າໜ້າທີ່ໄດ້ເລັ່ງດຳເນີນການຄົ້ນຫາ ແລະ ຊ່ວຍຜູ້ລອດຊີ ວິດໄດ້ແລ້ວ 255 ຄົນ.
ລາຍງານລະບຸວ່າ ເຮືອລຳດັ່ງກ່າວໄດ້ອອກເດີນທາງຈາກເມືອງ ສຸຣາບາຢາ (Surabaya) ເພື່ອມຸ່ງໜ້າໄປຍັງເກາະສຸລາເວສີ (Sulawesi) ກ່ອນທີ່ຈະເກີດເຫດໄຟໄໝ້ຂຶ້ນຢູ່ກາງທະເລ. ຫຼັງຈາກໄດ້ຮັບແຈ້ງເຫດ, ທາງການໄດ້ລະດົມກຳປັ່ນກູ້ໄພຫຼາຍລຳເຂົ້າຊ່ວຍເຫຼືອຜູ້ປະສົບໄພຢ່າງຮີບດ່ວນ.
ເບື້ອງຕົ້ນ ຍັງບໍ່ຮູ້ສາເຫດທີ່ຊັດເຈນຂອງການເກີດໄຟໄໝ້ໃນຄັ້ງນີ້, ປັດຈຸບັນເຈົ້າໜ້າທີ່ທີ່ກ່ຽວຂ້ອງກຳລັງຢູ່ໃນລະຫວ່າງການສືບສວນສອບສວນຫາສາເຫດ ແລະ ສືບຕໍ່ຕິດຕາມຄົ້ນຫາຜູ້ທີ່ຍັງສູນຫາຍຢ່າງຕໍ່ເນື່ອງ.
ຂ່າວ: bbc
