ໃນວັນທີ 18 ມີຖຸນາ 2026, ຫ້ອງສັນຕິບານ ກອງບັນ ຊາການ ປກສ ແຂວງເຊກອງ ໄດ້ເປີດກອງປະຊຸມ ສະຫຼຸບວຽກງານສັນຕິບານ ປະຈຳປີ 2025 ແລະ ວາງທິດທາງແຜນການປີ 2026, ໂດຍການເປັນປະທານຂອງ ພົຈວ ຄຳບານ ພົມມະນີວົງ ຫົວໜ້າກອງບັນຊາການ ປກສ ແຂວງເຊກອງ, ມີຄະນະພັກ-ຄະນະຫ້ອງ 7 ຫ້ອງ,ພ້ອມດ້ວຍ ພະ ແນກການທີ່ກ່ຽວຂ້ອງ, ຕະຫຼອດຮອດ ນາຍ ແລະ ພົນຕຳ ຫຼວດ ພາຍໃນຫ້ອງສັນຕິບານ ເຂົ້າຮ່ວມ.
ໃນພິທີ, ພັທ ວິຊຽນ ພົມວິໄຊ ຮອງຫົວໜ້າຫ້ອງສັນຕິ ບານ ໄດ້ຜ່ານບົດສະຫຼຸບປະຈຳປີ 2025 ໃຫ້ຮູ້ວ່າ: ສະພາບ ຂອບເຂດຊາຍແດນ ແມ່ນມີຄວາມສະຫງົບ ໂດຍພື້ນຖານ, ປະຊາຊາຊົນ ມີສະຕິຕື່ນຕົວໃນການເຄົາລົບກົດໝາຍເຂົ້າ- ອອກເມືອງ, ພະນັກງານທີ່ເຮັດໜ້າທີ່ປະຈໍາດ່ານຊາຍແດນກໍໄດ້ມີການເຄື່ອນໄຫວກວດກາລາດຕະເວນຢ່າງແຂງແຮງ ແລະ ເປັນປະຈຳ ເພື່ອແນໃສ່ປ້ອງກັນສະກັດກັ້ນບັນຫາກໍ່ອາຊະຍາກຳ ທີ່ອາດຈະເກີດຂຶ້ນໄດ້ຢ່າງທັນການ,ໄປພ້ອມໆກັບລົງໂຄສະນາເຜີຍແຜ່ແນວທາງນະໂຍບາຍ ແລະ ກົດ ໝາຍ ໃຫ້ປະຊາຊົນບ້ານລຽບຕາມຊາຍແດນ ໄດ້ຮັບຮູ້ເຊື່ອມຊຶມ ແລະ ປະຕິບັດຢ່າງເຂັ້ມງວດ, ປັບປຸງແບບແຜນວິທີເຮັດວຽກ ແລະ ກໍ່ສ້າງກຳລັງສັນຕິບານພວກເຮົາ ແມ່ນຖືເອົາວຽກງານສຶກສາອົບຮົມ ການເມືອງນໍາພາ-ແນວຄິດ ໃຫ້ພະນັກງານ-ນັກຮົບເປັນກົກ ເພື່ອເຮັດໃຫ້ແນວຄິດຈິດ ໃຈອຸ່ນອຽນທຸ່ນທ່ຽງ, ມີຄວາມເຊື່ອໝັ້ນຕໍ່ການນໍາພາ-ຊີ້ນໍາຂອງພັກ, ມີລະບຽບວິໄນເຂັ້ມງວດ, ບໍລິສຸດສັດຊື່ຕັ້ງຕໍ່ເຮັດວຽກງານວິຊາສະເພາະດ້ວຍຄວາມຫ້າວຫັນ.
ວຽກງານ ທີ່ປະຕິບັດໄດ້: ລົງປ້ອງກັນກອງປະຊຸມ, ປ້ອງ ກັນບັນດາແຂກ ແລະ ງານບຸນສໍາຄັນຕ່າງໆພາຍໃນແຂວງເຊກອງ 35 ຄັ້ງ, ມີ 82 ເທື່ອແຮງງານ, ເຂົ້າຮ່ວມກອງປະ ຊຸມໃນວັນສໍາຄັນຕ່າງໆ ຢູ່ກອງບັນຊາການ ປກສ ແຂວງ 14 ຄັ້ງ, ມີ 19 ເທື່ອແຮງງານ, ວຽກງານໃກ້ສິດ: ປ້ອງກັນ, ຕິດຕາມ ທ່ານເຈົ້າແຂວງໄປປະຊຸມ ແລະ ຮ່ວມພິທີຕ່າງໆຢູ່ ພາຍໃນແຂວງເຊກອງ ແລະ ຢູ່ຕ່າງແຂວງ 76 ຄັ້ງ, ມີ 77 ເທື່ອສະຫາຍ. ວຽກງານວິຊາສະເພາະ ດ່ານສາກົນດາກຕະອອກ ແລະ ດ່ານທ້ອງຖິ່ນຕະວາງ: ວຽກງານກວດຄົນເຂົ້າ – ອອກເມືອງ (ທັງສອງດ່ານ). ຄົນແຈ້ງເຂົ້າເມືອງທັງໝົດ: 89.965 ຄົນ ຍິງ 8.312 ຄົນ, ຄົນແຈ້ງອອກເມືອງທັງໝົດ: 91.812 ຄົນ ຍິງ.509 ຄົນ, ພາຫານະເຂົ້າ: 66.016 ຄັນ, ໃນນັ້ນລົດໃຫຍ່ເຂົ້າ: 55.015 ຄັນ, ລົດໂດຍສານ 955 ຄັນ, ລັດຈັກເຂົ້າ 10.046 ຄັນ, ພາຫານະອອກ: 69.856 ຄັນ, ອອກໃບຜ່ານແດນໃຫ້ປະຊາຊົນລາວ ຕາມຂອບເຂດຊາຍແດນຈຳນວນ 11.886 ໃບ ແລະ ວຽກງານອື່ນໆ ກໍມີຜົນສຳເລັດຕາມຄາດໝາຍ.
ໂອກາດນີ້, ພົຈວ ຄຳບານ ພົມມະນີວົງ ກໍໄດ້ມີຄຳເຫັນ ໂອ້ລົມຕໍ່ກອງປະຊຸມ, ໂດຍໄດ້ເນັ້ນໃຫ້ຄະນະພັກ-ຄະນະບັນຊາ ຄະນະຫ້ອງ ຕ້ອງເຮັດວຽກງານການເມືອງນຳພາແນວຄິດປົກກະຕິຕໍ່ເນື່ອງ, ສຸມໃສ່ປະຕິບັດໜ້າທີ່ວຽກງານທີ່ຂັ້ນເທິງມອບໝຍໃຫ້ຢ່າງຕັ້ງໜ້າ, ຢຶດໝັ້ນຕໍ່ແນວທາງ 5 ຫຼັກການ 3 ທິດນຳຂອງພັກ, ແບ່ງຄວາມຮັບຜິດຊອບໃນການນຳພາຊີ້ນຳ ຕິດພັນກັບຄວາມຮູ້ຄວາມສາມາດ, ປັບປຸງບັນດາທັດສະນະແນວຄິດ, ມີແບບແຜນການຊີ້ນຳ-ນຳພາ ຕາມແນວທາງລະບຽບກົດໝາຍ ທີ່ຖືກຕ້ອງສອດຄ່ອງ, ສ້າງພະນັກງານຫັນລົງຮາກຖານເພື່ອຕິດຕາມກວດກາສະພາບ ແລະ ບັນດາເປົ້າຫມາຍຕ່າງໆ, ເອົາໃຈໃສ່ຝຶກຝົນຫຼ່ໍຫຼອມຕົນເອງ ໃຫ້ມີຄຸນທາດການເມືອງ ຄຸນສົມບັດສິນ ທຳປະຕິວັດ ແລະ ມີແບບແຜນວິທີເຮັດວຽກ, ສ້າງພະ ນັກງານສືບທອດປ່ຽນແທນ, ເປັນເຈົ້າການໃນການສ່ອງແສງລາຍງານລະຫວ່າງແຂວງກັບບັນດາເມືອງ ໃຫ້ເປັນປົກກະ ຕິຕໍ່ເນື່ອງ.
ຂ່າວ-ພາບ: ປກສ ແຂວງເຊກອງ
