ວັນທີ 19 ສິງຫາ 2026, ມີລາຍງານວ່າ ເກີດເຫດນ້ຳຖ້ວມຢູ່ເຂດເມືອງພິນ, ແຂວງສະຫວັນນະເຂດ ສ້າງຄວາມເດືອດຮ້ອນ ແລະ ຜົນກະທົບຕໍ່ການດຳລົງຊີວິດຂອງປະຊາຊົນໃນທ້ອງຖິ່ນ.
ເນື່ອງຈາກປະລິມານນ້ຳທີ່ເພີ່ມຂຶ້ນຢ່າງໄວວາ, ພໍ່ແມ່ປະຊາຊົນໃນເຂດທີ່ໄດ້ຮັບຜົນກະທົບໄດ້ພາກັນຮີບຮ້ອນຂົນຍ້າຍສິ່ງຂອງ, ເຄື່ອງໃຊ້ທີ່ມີຄ່າ ແລະ ສັດລ້ຽງ ຂຶ້ນໄວ້ບ່ອນສູງ ຫຼື ເຂດທີ່ປອດໄພ ເພື່ອປ້ອງກັນຄວາມເສຍຫາຍທີ່ອາດຈະເກີດຂຶ້ນ.
ຂໍໃຫ້ປະຊາຊົນໃນເຂດເມືອງພິນ ແລະ ບໍລິເວນໃກ້ຄຽງ ຈົ່ງມີສະຕິລະມັດລະວັງ, ຕິດຕາມສະພາບອາກາດ ແລະ ການແຈ້ງເຕືອນຈາກທາງການຢ່າງຊິດແທດ. ຂໍສົ່ງກຳລັງໃຈໃຫ້ພໍ່ແມ່ປະຊາຊົນທຸກຄົນປອດໄພຈາກເຫດການນ້ຳຖ້ວມໃນຄັ້ງນີ້.
