ໂປຣຕຸເກສ ຖືກ ດີອາຣ໌ຄອງໂກ ໄລ່ເຈົ້າ ເປີດຫົວບານໂລກ 2026
ໂຣນັນໂດ ປະເດີມຝືດ !!! ທີມຊາດໂປຣຕຸເກສ ເຮັດໄດ້ພຽງສະເໝີ ດີອາຣ໌ຄອງໂກ ໃນສຶກຟຸດບານໂລກ 2026 ກຸ່ມ ເຄ ນັດທຳອິດ
ການແຂ່ງຂັນບານໂລກ 2026 ກຸ່ມ ເຄ ນັດທຳອິດ ໃນຄືນວັນພຸດ ທີ 17 ມິຖຸນາ 2026 ທີ່ສະໜາມ ເອັນອາຣ໌ຈີ ສະເຕເດຍມ໌, ຮິວສຕັນ “ໝອກຄຳ” ທີມຊາດໂປຣຕຸເກສ ປະທະຮ້ອນລະອຸ ກັບ ທີມຊາດດີອາຣ໌ຄອງໂກ
ເປີດສະໜາມເຄິ່ງທຳອິດໄດ້ພຽງນາທີທີ 6 ໂປຣຕຸເກສ ຂຶ້ນນຳ 1-0 ເມື່ອ ເປໂດຣ ເນໂຕ ສົ່ງບານເຂົ້າເຂດໂທດໃຫ້ ຊູອາວ ເນເວສ ສອດໂຫນ່ງເຂົ້າປະຕູ
ຈາກນັ້ນຊ່ວງທົດເວລາ ນາທີທີ 45+5 ດີອາຣ໌ຄອງໂກ ຕີສະເໝີ 1-1 ອາທູຣ໌ ມາຊູອາກູ ສົ່ງບານຈາກຝັ່ງຂວາເຂົ້າມາ ໂຢອານ ວິສຊາ ໂຫນ່ງເຂົ້າປະຕູໄປເລີຍ ກ່ອນຈົບເຄິ່ງທຳອິດໄປດ້ວຍຄະແນນນີ້
ກັບມາຫຼິ້ນຕໍ່ເຄິ່ງສອງ ນາທີທີ 55 ໂປຣຕຸເກສ ໃກ້ຈະຂຶ້ນນຳອີກຄັ້ງ ຊູອາວ ການເຊໂລ່ ຍິງເຂົ້າໄປ ແຕ່ຖືກຈັບລ້ຳໜ້າ
ໝົດເກມ ໂປຣຕຸເກສ ເຮັດໄດ້ພຽງສະເໝີ ດີອາຣ໌ຄອງໂກ 1-1
ສ່ວນໂປຣແກຣມນັດຕໍ່ໄປ ໂປຣຕຸເກສ ຈະພົບກັບ ອຸສເບກິສຖານ ສ່ວນ ດີອາຣ໌ຄອງໂກ ຈະປະທະກັບ ໂຄລົມເບຍ ແຂ່ງຂັນວັນທີ 24 ມິຖຸນາ ທັງ 2 ຄູ່
