ໃນວັນທີ 30 ກໍລະກົດ 2026 ຢູ່ທີ່ຄ້າຍຄຸມຂັງ ດັດສ້າງ ຂອງກອງບັນຊາການ ປກສ ເມືອງທົ່ງມີໄຊ ພະແນກຕຳຫຼວດທີ່ຂຶ້ນກັບກອງບັນຊາການ ປກສ ເມືອງທົ່ງມີໄຊ ໄດ້ສຶກສາອົບຮົມໄວໜຸ່ມ ເປົ້າໝາຍທີ່ຫຼົງຜິດໃນການມົ້ວສຸມ ດື່ມນ້ຳກະທ່ອມ ແລະ ຄໍລາເຈນ 11 ຄົນ.
ທ່ານ ພັຕ ວານ ອິນທະວົງ ໄດ້ໃຫ້ຮູ້ວ່າ: ໃນຄັ້ງວັນທີ 18 ມີຖຸນາ 2026 ເຈົ້າໜ້າທີ່ພະແນກຕຳຫຼວດ ກອງບັນຊາການ ປກສ ເມືອງທົ່ງມີໄຊ ສົມທົບກັບຂະແໜງການທີ່ກ່ຽວຂ້ອງ ລົງກວດກາສະຖານທີ່ມົ້ວສຸມຕາມຈຸດຕ່າງໆ ຢູ່ໃນເຂດເທດສະບານເມືອງທົ່ງມີໄຊ ຜ່ານການລົງກວດກາໄດ້ພົບເຫັນ ແລະ ກັກຕົວ ກຸ່ມໄວໜຸ່ມດັ່ງກ່າວ. ໂອກາດດຽວກັນນີ້ ເຈົ້າໜ້າທີ່ວິຊາສະເພາະກ່ຽວຂ້ອງ ແລະ ຜູ້ປົກຄອງໄດ້ພ້ອມກັນ ເຮັດບົດບັນທຶກສຶກສາອົບຮົມ ຕໍ່ກັບກຸ່ມຄົນຈຳນວນດັ່ງກ່າວ.
——–
ທົ່ງມີໄຊ ວັນໃໝ່
