ໃນວັນທີ 16 ມິຖຸນາ 2026, ເຈົ້າໜ້າທີ່ ປກສ ເມືອງຊະນະຄາມ ແຂວງວຽງຈັນ ໄດ້ລົງເປົ້າໝາຍກຸ່ມແກ້ງສະແກມເມີ ທີ່ມາລັກລອບເຄື່ອນໄຫວຢູ່ ບ້ານຫ້ວຍເຕົ່າ ເມືອງຊະນະຄາມ ສາມາດຈັບກຸມຜູ້ຖືກຫາໄດ້ 8 ຄົນ ທັງໝົດເປັນຄົນສັນຊາດ ຫວຽດນາມ ແລະ ຢຶດອຸປະກອນທີ່ນຳໃຊ້ເຂົ້າໃນການກະທຳຜິດມີຄອມພີວເຕີຕັ້ງໂຕະ 11 ຊຸດ, ໂທລະສັບມືຖື 18 ໜ່ວຍ ແລະ ອຸປະກອນຕ່າງໆທີ່ນໍາໃຊ້ເຂົ້າໃນການກະທຳຜິດຈຳນວນໜຶ່ງ.
ສ່ວນຜູ້ຖືກຫາຈຳນວນ 8 ຄົນ ແມ່ນສົ່ງໃຫ້ກອງບັນຊາການ ປກສ ແຂວງວຽງຈັນ ດຳເນີນການສືບສວນ-ສອບສວນ ຕາມຂັ້ນຕອນຂອງກົດໝາຍ.
ຂ່າວ: ປກສ ແຂວງວຽງຈັນ
