ທີມນັກເຕະເຍົາວະຊົນລາວ ລຸ້ນອາຍຸບໍ່ເກີນ 10 ປີ W.I.G NAGA U10 ໜຶ່ງດຽວຕົວແທນຈາກ ສປປ ລາວ ສ້າງປະຫວັດສາດໜ້າໃໝ່ໃຫ້ກັບວົງການເຕະບານເຍົາວະຊົນລາວ ສາມາດຄວ້າແຊ້ມລະດັບໂລກ ໃນການແຂ່ງຂັນລາຍການ MIC Football 7 ທີ່ເມືອງຄາຕາໂລເນຍ ປະເທດສະເປນ ລະຫວ່າງວັນທີ 12-14 ມິຖຸນາ 2026.
ການແຂ່ງຂັນໃນລາຍການນີ້ມີທີມເຍົາວະຊົນເຂົ້າຮ່ວມທັງໝົດ 32 ທີມ ຈາກ 10 ປະເທດ (ແບ່ງອອກເປັນ 8 ກຸ່ມ). ໂດຍທັບ “ນາກນ້ອຍລາວ” W.I.G NAGA U10 ສ້າງຜົນງານທີ່ໂດດເດັ່ນ ດ້ວຍການລົງສະໜາມ 7 ນັດ ຊະນະທຸກນັດ, ຍິງໄດ້ທັງໝົດ 26 ປະຕູ ແລະ ເສຍພຽງ 5 ປະຕູເທົ່ານັ້ນ.
ການຄວ້າແຊ້ມຄັ້ງນີ້, ເຮັດໃຫ້ທີມເຍົາວະຊົນລາວຊຸດນີ້ ບໍ່ພຽງແຕ່ຄວ້າຖ້ວຍແຊ້ມລະດັບໂລກໃຫ້ແກ່ປະເທດຊາດເທົ່ານັ້ນ ແຕ່ຍັງໄດ້ຮັບຄຳຊົມເຊີຍຢ່າງຫລວງຫລາຍໃນການເອົາຊະນະທີມດັງ ແລະ ແຊ້ມເກົ່າຢ່າງ ບາເລນເຊຍ (Valencia FC) ໄດ້ເຖິງ 2 ຄັ້ງ ເຊິ່ງຖືເປັນການປະກາດສັກດາໃຫ້ທົ່ວໂລກໄດ້ເຫັນເຖິງທັກສະ ແລະ ສັກກະຍະພາບຂອງນັກເຕະເຍົາວະຊົນລາວໃນເວທີສາກົນ.
ຂ່າວຈາກ: W.I.G NAGA
