ລັດວິສາຫະກິດໄຟຟ້າລາວ ສາຂານະຄອນຫຼວງ1 ລາຍງານວ່າ: ວັນທີ 25 ສິງຫາ 2026 ທ່ານ ວິລະກອນ ແສງດາລາ ຮອງຫົວໜ້າສາຂາ ນະຄອນຫລວງວຽງຈັນ1 ລົງຕິດຕາມວຽກງານ ນຳພາ- ຊີ້ນຳອ້າຍນ້ອງວິຊາການທາງດ້ານເຕັກນິກໄຟຟ້າ, ເລັ່ງແກ້ໄຂວຽກສຸກເສີນປັບປຸງລະບົບຕາຂ່າຍໄຟຟ້າແຮງກາງ ທີ່ຖືກລົດຕໍາຫັກ ຢູ່ບ້ານຊຽງດາ ເມືອງໄຊເສດຖາ ນະຄອນຫຼວງວຽງຈັນ ໂດຍເລີ່ມປະຕິບັດຕັ້ງເສົາໄຟຟ້າ 18 ແມັດ ຫຍີບຄູ່ ຈຳນວນ 3ຄູ່, ເສົາໄຟຟ້າ 12 ແມັດ 3 ຕົ້ນ , ເສົາໄຟຟ້າ 8 ແມັດ 4 ຕົ້ນ ແລະ ເສົາໄຟເຍືອງທາງອີກ 5 ຕົ້ນ ເພື່ອກູ້ລະບົບໄຟຟ້າໃຫ້ກັບຄືນເປັນປົກກະຕິໂດຍໄວ.
