ໃນວັນທີ 19 ສິງຫາ 2026 ເຈົ້າໜ້າທີ່ສະເພາະກິດກະຊວງ ປ້ອງກັນຄວາມສະຫງົບ ໄດ້ລົງກວາດລ້າງ ກຸ່ມແກ້ງກໍ່ອາຊະຍາກໍາທາງດ້ານອິນເຕີເນັດ ແລະ ການພະນັນອອນລາຍ ຢູ່ຫ້ອງການໂຣໂຢລສະແຄລ ບ້ານ ໜອງດ້ວງ ເມືອງ ສີໂຄດຕະບອງ, ນະຄອນຫຼວງວຽງຈັນ.
ຜ່ານການກວດຄົ້ນຂອງເຈົ້າໜ້າທີ່ ພົບເຫັນເປົ້າໝາຍ 7 ຄົນ ຍິງ 5 ຄົນ ທີ່ເປັນພົນລະເມືອງລາວ ໃນຖານະລູກຈ້າງ, ຜ່ານການສືບສວນ-ສອບສວນໃນເບື້ອງຕົ້ນ ຜູ້ຖືກຫາຮັບສາລະພາບວ່າ: ໄດ້ເຮັດໜ້າທີ່ ເປັນແອັດມິນຕອບແຊດ ເວບພະນັນທາງອອນລາຍ ຢ່າງແທ້ຈິງ ເຊິ່ງໄດ້ເຄື່ອນໄຫວນັບແຕ່ເດືອນ 4 ປີ 2026 ເປັນຕົ້ນມາ.
ເຄື່ອງຂອງກາງ ມີຈໍຄອມພິວເຕີ້ 62 ໜ່ວຍ, ຄອມພິວເຕີ້ ໂນດບຸກ 13 ໜ່ວຍ, ໂທລະສັບມືຖື 41 ໜ່ວຍ, ເຄສຄອມ 4 ໜ່ວຍ; ປັດຈຸບັນ, ເຈົ້າໜ້າທີ່ກໍາລັງດໍາເນີນການສືບສວນ-ສອບສວນ ຂະຫຍາຍຜົນເພື່ອຊອກຫາຫົວໂປ່ໂຕການ ແລະ ຜູ້ຮ່ວມຂະບວນການມາດໍາເນີນຄະດີຕາມລະບຽບກົດໝາຍ.
ຕໍ່ກັບເຫດການດັ່ງກ່າວ; ເຈົ້າໜ້າທີ່ຂໍສະແດງຄວາມຂອບໃຈມາຍັງປະຊາຊົນ ແລະ ພົນລະເມືອງດີ ທີ່ໄດ້ສະໜອງຂໍ້ມູນຂ່າວສານອັນເປັນປະໂຫຍດ ຈົນນຳໄປສູ່ການບຸກມ້າງຂະບວນການດັ່ງກ່າວໄດ້ສຳເລັດ.
© ຄວາມສະຫງົບ
