ປະຕິບັດຕາມການຊີ້ນໍາຂອງລັດຖະມົນຕີ ກະຊວງປ້ອງກັນຄວາມສະຫງົບ ແລະ ກົມໃຫຍ່ຕຳຫຼວດ; ໃນ ວັນ ທີ 16 ສິງຫາ 2026 ເວລາ 13:15 ໂມງ, ເຈົ້າໜ້າທີ່ກົມຕຳ ຫຼວດສິ່ງແວດລ້ອມ ກົມໃຫຍ່ຕຳຫຼວດ ກະຊວງປ້ອງກັນຄວາມສະຫງົບ ໄດ້ສົມທົບກັບກອງບັນຊາການ ປກສ ແຂວງບໍລິຄຳໄຊ, ພະແນກຕໍາ ຫຼວດສິ່ງແວດລ້ອມ ປກສ ແຂວງບໍລິຄຳໄຊ ແລະ ປກສ ເມືອງປາກກະດິງ ເຂົ້າມ້າງຄະດີລັກລອບຊື້-ຂາຍຊິ້ນສ່ວນສັດປ່າທີ່ຫ່ວງຫ້າມມີໄວ້ຂອບຄອງ ຢູ່ລີສອດໂນນສະຫວັນ ຕັ້ງຢູ່ບ້ານໂພນສະຈະເລີນ ຄຸ້ມໂພນງາມ ເມືອງປາກກະດິງ ແຂວງບໍລິຄຳໄຊ.
ຜ່ານການເຂົ້າກວດຄົ້ນ ສາມາດກັກຕົວເປົ້າໝາຍສົງໃສເຄືອຂ່າຍລັກລອບຄ້າຂາຍສັດປ່າທີ່ຫວງຫ້າມ ເປັນຊາວຕ່າງປະເທດ ແລະ ຢຶດຊິ້ນສ່ວນສັດປ່າຫວງຫ້າມ ໄດ້ຫຼາຍປະເພດ ເຊັ່ນ: ປະເພດ ຄ້າຍຄືງາຊ້າງ ລວມນ້ຳໜັກ 1.755,6 ກິໂລກຼາມ, ຊາກສັດ ຄ້າຍຄືເສືອດໍາ 2 ໂຕ, ຈໍານວນ 45,5 ກິໂລກຼາມ ແລະ ອື່ນໆອີກຫຼາຍລາຍການ ພ້ອມດ້ວຍພາຫະນະລົດໃຫຍ່ 2 ຄັນ.
ປັດຈຸບັນ, ຄະດີດັ່ງກ່າວ ຢູ່ໃນຂັ້ນຕອນການສືບສວນ- ສອບສວນ ຂະຫຍາຍຜົນຫາກຸ່ມແກ້ງ ແລະ ຜູ້ຮ່ວມຂະ ບວນການມາລົງໂທດຕາມກົດໝາຍ ຢ່າງເຂັ້ມງວດ.
