ໃນເວລາ 13 ໂມງ 00 ນາທີ່ຂອງວັນທີ່ 13 ກໍລະກົດ 2026 ທີ່ຜ່ານມາ,ເຈົ້າໜ້າທີ່ວິຊາສະເພາະ ກອງບັນຊາການ ປກສ ເມືອງປາກລາຍ ແຂວງໄຊຍະບູລີ ໄດ້ສົມທົບກັບພາກສ່ວນທີ່ກ່ຽວຂ້ອງ,ລົງກວດຄົ້ນເຄຫະສະຖານ ເຮືອນພັກແຫ່ງໜຶ່ງ ຢູ່ຂອບເຂດບ້ານຫ້ວຍລາຍນ້ອຍ ເມືອງປາກລາຍ ແຂວງໄຊຍະບູລີ ທີ່ໃຫ້ຄົນຕ່າງປະເທດເຊົ່າ,ເຊິ່ງເປັນເປົ້າໝາຍ
ສົງໃສດຳເນີນການກ່ຽວກັບການສໍ້ໂກງທາງອອນລາຍ ( ສະແກມເມີ ) ຜ່ານການກວດກາຄົ້ນສະຖານທີ່ດັ່ງກ່າວ ສາມາດກັກຕົວເປົ້າໝາຍສົງໃສໄດ້ທັງໝົດຈຳນວນ 47 ຄົນ,ຍິງ 10 ຄົນ,ກັກຢູ່ໃນສະຖານທີ່ຈຳນວນ 41 ຄົນຍິງ 03 ຄົນ,ໃນນີ້ຄົນສັນຊາດອິນໂດເນເຊຍຈຳນວນ 38 ຄົນຍິງ 09 ຄົນ,ໄດ້ກັກຕົວເປົ້າໝາຍທີ່ຢູ່ນອກສະຖານທີ່ ເຊິ່ງໃກ້ກັບເຮືອນພັກດັ່ງກ່າວຈຳນວນ 06 ຄົນ,ສັນຊາດຈີນຈຳນວນ 4 ຄົນ,ຄົນສັນຊາດລາວ 01 ຄົນ,ຄົນສັນຊາດຫວຽດນາມ 01 ຄົນ,ຍິງ 01 ຄົນ,ຂອງກາງທີ່ຍຶດໄດ້ມີຄື:ຄອມພີວເຕີໂນດບຸກຈຳນວນ 22 ເຄື່ອງ,ໄອແພັດຈຳນວນ 01 ໜ່ວຍ,ໂທລະຊັບຈຳນວນ 228 ໜ່ວຍ,ລົດຈັກໄຟຟ້າຈຳນວນ 02 ຄັນ,ບັດປະຕົວຈຳນວນ 39 ບັດ,ປຶ້ມພັດສະປອດຈຳນວນ 20 ຫົວ,ປຶ້ມບັນຊີເງິນຝາກທະນາຄານມີ 01 ຫົວ,ໃບທະບຽນອານຸຍາດແຕ່ງດອງມີ 01 ໃບ.ປຶ້ມບັດແຮງງານມີ 06 ຫົວ,ປຶ້ມພັກເຊົາມີ 05 ຫົວ,ໝໍ້ເກັບໄຟມີ 01 ໜ່ວຍ,ສະຕາດິງ 01 ຊຸດ. ຜ່ານການສືບສວນ-ສອບສວນ ຂອງເຈົ້າໜ້າທີ່ວິຊາສະເພາະ ພວກຜູ້ກ່ຽວໄດ້ໃຫ້ການຮັບສາລະພາບວ່າ: ໃນຕົ້ນເດືອນພຶດສະພາ 2026 ທີ່ຜ່ານມາ ຄົນສັນຊາດຈີນຈຳນວນ 07 ຄົນ,ເປັນຜູ້ຊັກຊວນເອົາພວກກ່ຽວຈຳນວນດັ່ງກ່າວ,ເຂົ້າມາສອນເຮັດວຽກ ກ່ຽວກັບການສໍ້ໂກງທາງອອນລາຍ(ສະແກມເມີ)ໂດຍໃຫ້ຄ່າຈ້າງເປັນເດືອນ,ຄົນລະ 600 ໂດລາຕໍ່ຄົນຕໍ່ເດືອນ,ສ່ວນຄົນລາວເປັນນາຍແປພາສາໄດ້ເງິນເດືອນລະ 10.000.000 ກີບ. ປະຈຸບັນຄະດີດັ່ງກ່າວເຈົ້າໜ້າຕໍາຫຼວດວິຊາສະເພາະ ກອງບັນຊາການ ປກສ ເມືອງປາກລາຍ ພວມສະຫຼຸບສຳນວນຄະດີມອບສົ່ງໃຫ້ແຂວງດຳເນີນຄະດີຕາມຂັ້ນຕອນຂອງກົດໝາຍ.
ພາ່ບຂ່າວ ປກສ ເມືອງປາກລາຍ
