ວັນທີ 6 ສິງຫາ 2026 ເກີດສະຖານະການນ້ຳຖ້ວມລະດັບສູງ ໃນເຂດ ບ້ານສ້າງພອກ ເມືອງມະຫາໄຊ ແຂວງຄຳມ່ວນ ຫຼັງຈາກມີຝົນຕົກໜັກຕໍ່ເນື່ອງຫຼາຍຊົ່ວໂມງ.
ຈາກຮູບພາບທີ່ເຜີຍແຜ່ ພົບວ່ານ້ຳໄດ້ເຂົ້າຖ້ວມພື້ນທີ່ຢູ່ອາໄສ ແລະ ເສັ້ນທາງພາຍໃນບ້ານ ປະຊາຊົນບາງສ່ວນຕ້ອງໃຊ້ເຮືອເປັນພາຫະນະໃນການເດີນທາງ ຂະນະທີ່ບ້ານເຮືອນບາງຫຼັງຖືກນ້ຳລ້ອມຮອບ.
ເບື້ອງຕົ້ນ ຍັງບໍ່ມີລາຍງານກ່ຽວກັບຜູ້ບາດເຈັບ ຫຼື ຜູ້ເສຍຊີວິດຈາກເຫດການດັ່ງກ່າວ. ປະຊາຊົນໃນພື້ນທີ່ ແລະ ຜູ້ທີ່ຈະເດີນທາງຜ່ານເຂດດັ່ງກ່າວ ຄວນຕິດຕາມຂ່າວສານຈາກທາງການ ແລະ ຫຼີກລ້ຽງເສັ້ນທາງທີ່ມີນ້ຳຖ້ວມເຊາະໄຫຼ.
