ພະແນກວັດທະນະທຳ ແລະ ທ່ອງທ່ຽວ ນະຄອນຫຼວງວຽງຈັນ ອອກແຈ້ງການ ລົງວັນທີ 02 ກໍລະກົດ 2026 ເລື່ອງ ການຈັດສັນ, ປັບປຸງ ແລະ ເຄື່ອນຍ້າຍປ້າຍໂຄສະນາ ທີ່ບໍ່ຖືກຕ້ອງຕາມລະບຽບການ ຢູ່ລຽບຕາມເສັ້ນທາງຫຼັກ ຕັ້ງແຕ່ບ້ານໜອງບົວທອງ ຫາ ບ້ານໜອງບຶກ ລາຍລະອຽດເພີ່ມຕື່ມດັ່ງແຈ້ງການນີ້:
1. ກວດກາຄືນຄວາມຖືກຕ້ອງ: ໃຫ້ບັນດາບໍລິສັດ, ຫ້າງຮ້ານ, ຜູ້ປະກອບການ ແລະ ບຸກຄົນ ທີ່ເປັນເຈົ້າຂອງປ້າຍໂຄສະນາ, ປ້າຍຊື່ຮ້ານ ຢູ່ລຽບຕາມເສັ້ນທາງ ບ້ານໜອງບົວທອງ ຫາ ບ້ານໜອງບົກ ກວດກາຄືນຄວາມຖືກຕ້ອງ, ຄວາມໝັ້ນຄົງ ແລະ ຄວາມເປັນລະບຽບຮຽບຮ້ອຍຂອງປ້າຍຕົນເອງ.
2. ຮູບແບບປ້າຍທີ່ຕ້ອງແກ້ໄຂ: ສຳລັບປ້າຍໂຄສະນາ ທີ່ຮູບໂຊມເພພັງ, ຊຸດໂຊມ, ປ້າຍທີ່ຕິດຕັ້ງກາຍເຂດສະຫງວນທາງຫຼວງ ບັງປ້າຍສັນຍານຈາລະຈອນ ຫຼື ປ້າຍທີ່ບໍ່ໄດ້ຮັບອະນຸຍາດຖືກຕ້ອງ ແມ່ນໃຫ້ເຈົ້າຂອງປ້າຍດຳເນີນການຮື້ຖອນ, ເຄື່ອນຍ້າຍ ຫຼື ປັບປຸງແກ້ໄຂໃຫ້ຖືກຕ້ອງຕາມລະບຽບການ ໂດຍທຶນຂອງຕົນເອງ.
3. ກຳນົດເວລາ: ກຳນົດເວລາໃນການຈັດສັນ ແລະ ຮື້ຖອນ ແມ່ນໃຫ້ສຳເລັດພາຍໃນ 15 ວັນ ນັບແຕ່ວັນລົງລາຍເຊັນໃນແຈ້ງການສະບັບນີ້ເປັນຕົ້ນໄປ.
4. ມາດຕະການຫາກຝ່າຝືນ: ຫາກກາຍກຳນົດເວລາແລ້ວ ຖ້າມີປ້າຍໃດຍັງບໍ່ທັນໄດ້ຮັບການແກ້ໄຂ ຫຼື ຮື້ຖອນ, ທາງເຈົ້າໜ້າທີ່ພາກສ່ວນກ່ຽວຂ້ອງ ຈະດຳເນີນມາດຕະການຕາມລະບຽບການ ແລະ ເຈົ້າຂອງປ້າຍຈະບໍ່ມີສິດຮຽກຮ້ອງຄ່າເສຍຫາຍໃດໆທັງສິ້ນ, ພ້ອມທັງຈະຖືກປັບໃຊໝຕາມລະບຽບກົດໝາຍ.
