ສຳນັກຂ່າວສານຊິນຮວາ ລາຍງານໃນວັນທີ 23 ມິຖຸນາ ຜ່ານມາວ່າ: ຫ້ອງການອຸຕຸນິຍົມວິທະຍາແຫ່ງຊາດຂອງຝຣັ່ງ (Meteo-France) ໄດ້ລາຍງານວ່າ, ຝຣັ່ງໄດ້ປະສົບກັບກາງຄືນທີ່ຮ້ອນທີ່ສຸດແບບບໍ່ເຄີຍມີມາກ່ອນ.
ໃນຕອນກາງຄືນວັນທີ 22 ຫາ ຕອນເຊົ້າ ວັນທີ 23 ມິຖຸນາຜ່ານມາ ເຊິ່ງຮ້ອນທີ່ສຸດນັບຕັ້ງແຕ່ເລີ່ມມີການບັນທຶກສະຖິຕິອຸຕຸນິຍົມວິທະຍາແຫ່ງຊາດໃນປີ 1947. ໂດຍດັດຊະນີອຸນຫະພູມສະເລ່ຍໃນຕອນກາງຄືນທົ່ວປະເທດ ເຊິ່ງຄິດໄລ່ຈາກຂໍ້ມູນຂອງສະຖານີອຸຕຸນິຍົມວິທະຍາ 30 ແຫ່ງ ທົ່ວປະເທດ, ສູງເຖິງ 21.6 ອົງສາ.
ບົດລາຍງານຊີ້ໃຫ້ເຫັນວ່າ: 54 ແຂວງໃນແຜ່ນດິນຂອງຝຣັ່ງຢູ່ພາຍໃຕ້ການແຈ້ງເຕືອນສີແດງ ຊຶ່ງເປັນລະດັບເຕືອນໄພຂັ້ນສູງສຸດ ໃນວັນທີ 23 ມິຖຸນາ ຜ່ານມາ, ໃນຂະນະທີ່ອີກ 35 ແຂວງຢູ່ພາຍໃຕ້ການແຈ້ງເຕືອນສີສົ້ມ.
ທ່ານ ເຊບາສຕຽນ ເລຄອນນູ ນາຍົກລັດຖະມົນຕີຝຣັ່ງ ໄດ້ເປີດເຜີຍໃນວັນທີ 23 ມິຖຸນາ ຜ່ານມາວ່າ: ມີຜູ້ເສຍຊີວິດຈາກການຈົມນໍ້າໃນຝຣັ່ງປະມານ 40 ຄົນ ນັບຕັ້ງແຕ່ວັນທີ 18 ມິຖຸນາ ຜ່ານມາ ຊຶ່ງສ່ວນໃຫຍ່ແມ່ນໄວໜຸ່ມ. ໂດຍເຈົ້າໜ້າທີ່ໄດ້ລະດົມທີມງານຕອບໂຕ້ວິກິດການຮ່ວມກັບກະຊວງ ເພື່ອຮັບມືກັບຄື້ນຄວາມຮ້ອນໃນຄັ້ງນີ້.
