ໃນວັນທີ 15 ມິຖຸນາ 2026, ເຈົ້າໜ້າທີ່ວິຊາສະເພາະ ກອງບັນຊາການ ປກສ ແຂວງວຽງຈັນ ສົມທົບກັບເຈົ້າໜ້າທີ່ກອງບັນຊາການ ປກສ ເມືອງທຸລະຄົມ ເຂົ້້າກວດກາເປົ້າໝາຍຄົນຕ່າງປະເທດ ທີ່ເຂົ້າມາເຊົ່າຫ້ອງແຖວຂອງປະຊາຊົນ ເພື່ອເປັນບ່ອນເຄື່ອນໄຫວກໍ່ອາຊະຍາກຳທາງໂທລະຄົມ ແລະ ການສື່ສານ ( ສະແກມເມີ ) ຢູ່ເຂດບ້ານໂພນງາມນາຝ້າຍ ເມືອງທຸລະຄົມ ແຂວງວຽງຈັນ ພົບເຫັນເປົ້າໝາຍກຸ້ມແກ້ງສະແກມເມີ ທັງຄົນຕ່າງປະເທດ ແລະ ຄົນລາວ ທັງໝົດ ຈຳນວນ 40 ຄົນ, ຍິງ 6 ຄົນ, ໃນນີ້ມີ 4 ສັນຊາດ ຄື: ສັນຊາດຈີນ 33 ຄົນ, ກຳປູເຈຍ 4 ຄົນ ຍິງ 4 ຄົນ, ມາເລເຊຍ ຈຳນວນ 1 ຄົນ, ສັນຊາດລາວ ຈຳນວນ 2 ຄົນ, ຍິງ 2 ຄົນ.
ພ້ອມນັ້ນຍັງກວດພົບເຄື່ອງມືອີເລັກໂຕນິກ ແລະ ເຄືອງມືອື່ນໆ ມີໂທລະສັບຈຳນວນ 2.196 ໜ່ວຍ, ຄວາມພິວເຕີຕັ້ງໂຕະ 109 ໜ່ວຍ ທີ່ນຳໃຊ້ເຂົ້າໃນການເຄືອນໄຫວກະທຳຜິດ.
ເຈົ້າໜ້າທີ່ວິຊາສະເພາະ ປກສ ແຂວງວຽງຈັນ ຈຶ່ງໄດ້ກັກຕົວພວກກ່ຽວ ພ້ອມເຄື່ອງຂອງກາງໄປດຳເນີນການສອບສວນ ຕາມກົດໝາຍ ແລະ ມອບໃຫ້ກົມຕຳຫຼວດຄຸ້ມຄອງຄົນຕ່າງປະເທດ ກົມໃຫຍ່ສັນຕິບານ ກະຊວງປ້ອງກັນຄວາມສະຫງົບ ເພື່ອສືບຕໍ່ດໍາເນີນຄະດີຕໍ່ພວກກ່ຽວ ຕາມລະບຽບກົດໝາຍໃນຂັ້ນຕໍ່ໄດ້.
ຂ່າວ: ປກສ ແຂວງວຽງຈັນ
