ຈະລາຈອນກຽມກຳລັງ 360 ກວ່າຄົນ ຢູ່ 120 ກວ່າຈຸດ ເພື່ອອຳນວຍຄວາມສະດວກໃນມື້ເປີດສົກຮຽນໃໝ່
ວັນທີ 28 ສິງຫາ 2026 ພະແນກຕຳຫລວດຈະລາຈອນ ແລະ ກອງຕຳຫລວດຈະລາຈອນ 9 ຕົວເມືອງ ປກສ ນະຄອນຫຼວງວຽງຈັນ ຈັດກອງປະຊຸມຜ່ານແຜນປ້ອງກັນເປີດສົກຮຽນໃໝ່, ໂດຍການເປັນປະທານຂອງ ທ່ານ ພັນໂທ ວິລະພົງ ສະເໜ່ຫາ ຮອງຫົວໜ້າຫ້ອງຕຳຫລວດພະແນກຕຳຫລວດຈະລາຈອນ ກອງບັນຊາການ ປກສ ນວ, ມີ ທ່ານ ພັທ ບຸນມີ ຫລວງບັນດິດ ຮອງຫົວໜ້າກົມຕຳຫລວດຈະລາຈອນ ກົມໃຫຍ່ຕຳຫລວດ ກະຊວງ ປກສ, ມີຫົວໜ້າ-ຮອງພະແນກຕຳຫລວດຈະລາຈອນ ນວ ແລະ ກອງຕຳຫລວດຈະລາຈອນ 9 ຕົວເມືອງເຂົ້າຮ່ວມ.
ທ່ານ ພັນໂທ ເດດລືຊາ ໄຊຍະສານ ຮອງຫົວໜ້າພະແນກຕຳຫລວດຈະລາຈອນໄດ້ຜ່ານແຜນປ້ອງກັນວ່າ ພາຍໄດ້ຮັບການຊີ້ນໍາຈາກຫ້ອງຕໍາຫລວດ ປກສ ນະຄອນຫລວງວຽງຈັນ ແລະ ກົມຕໍາຫລວດຈະລາຈອນຈຶ່ງໄດ້ສ້າງແຜນບັນຈຸກຳລັງໃສ່ຕາມບັນ ດາສາຍທາງ ຈຸດ ໂຮງຮຽນຕ່າງໆ ເພື່ອຄວບຄຸມລະບາຍການສັນຈອນໃນທົ່ວນະຄອນຫລວງວຽງຈັນ ໃນນີ້, ມີຈຸດລະບາຍການສັນຈອນ 127 ຈຸດ, ມີ 69 ປ້ອມ ໂຮງຮຽນ 45 ແຫ່ງ ຕາມສາຍທາງ, ທາງແຍກ, ທາງວົງວຽນ ແລະ ອື່ນໆ
ສຳລັບແຜນບັນຈຸກຳລັງໃສ່ຕາມບັນດາສາຍທາງ, ຈຸດໂຮງຮຽນຕ່າງໆ, ເພື່ອຄວບຄຸມລະບາຍການສັນຈອນໃນທົ່ວນະຄອນຫຼວງວຽງຈັນ ໃນນີ້, ມີຈຸດລະບາຍການສັນຈອນ 127 ຈຸດ, ມີ 69 ປ້ອມ, ໂຮງຮຽນ 45 ແຫ່ງ, ຕາມສາຍທາງ, ທາງແຍກ, ທາງວົງວຽນ ແລະ ອື່ນໆ ນໍາໃຊ້ກໍາລັງ 366 ສະຫາຍ, ຊຶ່ງມີລາຍລະອຽດຄື: ຈຸດໂຄສະນາປະກອບ ມີ: 3 ຈຸດ (ໜ້າໂຮງ ຮຽນ ມສ ວຽງຈັນ, ໂຮງຮຽນ ສິນໄຊ ແລະ ໂຮງຮຽນລາວຫວຽດ, ກອງຕໍາຫຼວດທາງຫຼວງມີ 7 ຈຸດ, ກອງຕຳຫຼວດຈະລາຈອນເມືອງສີໂຄດ 12 ຈຸດ ,ກອງຕໍາຫຼວດຈະລາຈອນເມືອງຈັນທະບູລີ 27 ຈຸດ, ກອງຕໍາຫຼວດຈະລາຈອນເມືອງໄຊເຊດຖາ 9 ຈຸດ, ກອງຕໍາຫຼວດຈະລາຈອນ ເມືອງສີສັດຕະນາກມີ 37 ຈຸດ, ກອງຕໍາຫຼວດຈະລາຈອນເມືອງໄຊທານີ 15 ຈຸດ, ກອງຕຳຫຼວດຈະລາຈອນເມືອງຫາດຊາຍຟອງ6 ຈຸດ, ກອງຕໍາຫຼວດຈະລາຈອນເມືອງນາຊາຍທອງ 5 ຈຸດ, ກອງຕໍາຫຼວດຈະລາຈອນເມືອງສັງທອງ 3 ຈຸດ, ກອງຕໍາຫຼວດຈະລາຈອນເມືອງປາກງື່ມ 2 ຈຸດ.
ຂ່າວ: ຄວາມສະຫງົບ
