ວັນທີ 24 ສິງຫາ 2026 ຫ້ອງວ່າການເມືອງຫົງສາ ອອກແຈ້ງການຫ້າມລົດສ່ວນຕົວ ລົດຂົນສົ່ງສິນຄ້າປະກາດຮັບເອົາຄົນໂດຍສານ
ເນື້ອໃນຂອງແຈ້ງການລະບຸວ່າ: ໃນໄລຍະຜ່ານມາ ໄດ້ມີລົດສ່ວນບຸກຄົນ (ລົດສ່ວນຕົວ), ລົດຂົນສົ່ງສີນຄ້າ ທີ່ແລ່ນຕາມເສັ້ນທາງລະຫວ່າງເມືອງຫົງສາ ຫາ ໄຊຍະບູລີ, ເມືອງຫົງສາ ຫາ ຕ່າງແຂວງ ເຈົ້າຂອງລົດຈະໂພດລົງໂຊຊຽວ ເພື່ອປະກາດຫາຄົນໂດຍສານຮ່ວມເດີນທາງນໍາ ແລະ ເກັບເງິນຄ່າໂດຍສານນໍາຜູ້ຮ່ວມເດີນທາງ ເຊິ່ງການກະທໍາດັ່ງກ່າວ ແມ່ນຜິດຕໍ່ລະບຽບກົດໝາຍ ວ່າດ້ວຍການຂົນສົ່ງທາງບົກ ແລະ ຍັງສົ່ງຜົນກະທົບໂດຍກົງຕໍ່ຜູ້ປະກອບການລົດຂົນສົ່ງໂດຍສານຢ່າງຫຼີກລ່ຽງບໍ່ໄດ້.
ສະນັ້ນ, ຈຶ່ງແຈ້ງມາຍັງທຸກພາກສ່ວນໃຫ້ປະຕິບັດຕາມລະບຽບກົດໝາຍ ລົດສ່ວນຕົວ, ລົດຂົນສົ່ງສິນຄ້າ ເວລາ ເດີນທາງໄປຕ່າງເມືອງ, ຕ່າງແຂວງ ຫ້າມບໍ່ໃຫ້ໂພສລົງໂລກໂຊຊຽວ ເພື່ອປະກາດຮັບເອົາຄົນໂດຍສານເດັດຂາດ ໃນກໍລະນີຝ່າຝືນ ຖ້າເຈົ້າໜ້າທີ່ກວດກາພົບເຫັນ ແມ່ນຈະໄດ້ປັບໃໝ ແລະ ປະຕິບັດຕາມລະບຽບກົດໝາຍ. ດັ່ງນັ້ນ, ຈຶ່ງແຈ້ງມາຍັງທ່ານເພື່ອຊາບ ແລະ ຈັດຕັ້ງປະຕິບັດຕາມເນື້ອໃນແຈ້ງການສະບັບນີ້ດ້ວຍ.
