ວັນທີ 31 ສິງຫາ 2026 ທ່ານ ສົມຈັນ ເທບພາລີ ຮອງເລຂາພັກເມືອງ,ປະທານຄະນະກຳມະການປົກຄອງເມືອງ ແລະ ທ່ານ ສຸລິວັດ ລັດຕະນະສິດທິ, ກຳມະການພັກເມືອງ ຫົວໜ້າຫ້ອງການກະສີກຳ ແລະ ສິງແວດລ້ອມເມືອງ ລົງຕິດຕາມຜົນກະທົບ ໄພນ້ຳຖ້ວມ ຢູ່ເຂດບ້ານບໍ່, ບ້ານແຟນ, ບ້ານກັດ, ບ້ານແສນລາດ ແລະ ບ້ານຫົວນ້ຳບາກ ເມືອງໄຊ ແຂວງອຸດົມໄຊ.
ຜ່ານການລົງຕິດຕາມຕົວຈິງພົບເຫັນຈຸດທີ່ຖືກນ້ຳຖ້ວນ, ນ້ຳປ່າໄຫຼຊູເຮັດໃຫ້ດິນເຈຶ່ອນຖົມເສັ້ນທາງ, ຂົວຂາດ, ສັນຈອນໄປມາບໍ່ໄດ້, ໄຟຟ້າຖືກຕັດຂາດ, ສັນຍານອິນເຕີເນັດບໍ່ໄດ້, ດິນຖົມເຮືອນ, ເຮືອນໄຫຼ, ນ້ຳທະລຸໃສ່ເຮືອນເປ່ເພ, ນາເຂົ້າຖືກນ້ຳຖ້ວມແລະດິນຖົມຕາກ້າ ນອກນັ້ນຍັງມີຊັບສິນຕ່າງໆຂອງປະຊາຊົນເສຍຫາຍຈຳນວນຫຼາຍ.
ໂອກາດດັ່ງກ່າວ ປະທານຄະນະກຳມະການປົກຄອງເມືອງໄຊ ໄດ້ເນັ້ນໃຫ້ ພາກສ່ວນກ່ຽວຂ້ອງ ແລະ ອົງການປົກຄອງບ້ານ ນຳພາປະຊາຊົນ ສ້ອມແປງເສັ້ນທາງ ແລະ ສ້ອມແປງຂົວຂ້າມຊົ່ວຄາວ ພໍໄປມາໄດ້ ພ້ອມທັງລະດົມກຳລັງລົງຊ່ວຍເຫຼຶອປະຊາຊົນຜູ້ປະສົບໄພ, ເກັບກຳຂໍ້ມຸນຜົນເສຍຫາຍໃຫ້ຄົບຖ້ວນ ແລະ ເລັ່ງຟື້ນຟູໂຄງສ້າງພື້ນຖານ ເຊັ່ນ: ເສັ້ນທາງ, ໂຮງຮຽນ ແລະ ຈຸດສຳຄັນຕ່າງໆ ໃຫ້ສາມາດກັບຄືນມາໃຊ້ງານໄດ້ໂດຍໄວ.
ປະຊາຊົນຜູ້ທີ່ຢູ່ໃນເຂດມີຄວາມສ່ຽງ ໃຫ້ເພິ່ມຄວາມລະມັດລະວັງ, ຕິດຕາມສະພາບນໍ້າ ແລະ ການແຈ້ງເຕືອນຈາກພາກລັດຢ່າງໃກ້ສິດເພຶ່ອຄວາມປອດໄພຕໍ່ຊີວິດ ແລະ ຊັບສິນ.
