ອຸທົກກະໄພທີ່ເກີດຂຶ້ນບໍລິເວນຊາຍແດນ ເນປານ–ຈີນ ເມື່ອວັນທີ 26 ສິງຫາ 2026, ສົ່ງຜົນກະທົບຢ່າງຮຸນແຮງຕໍ່ໂຄງສ້າງພື້ນຖານດ້ານພະລັງງານຂອງເນປານ ໂດຍສະເພາະພື້ນທີ່ຕາມແນວແມ່ນ້ຳ ໂພເຕໂກສີ ແລະ ຕຣີຊູລີ.
ລາຍງານຫຼ້າສຸດລະບຸວ່າ ໂຮງງານໄຟຟ້ານ້ຳຕົກທີ່ເປີດດຳເນີນງານຢູ່ 12 ແຫ່ງ ໄດ້ຮັບຄວາມເສຍຫາຍຢ່າງໜັກ, ເຮັດໃຫ້ກຳລັງການຜະລິດໄຟຟ້າປະມານ 431.1 ເມກາວັດ ໄດ້ຮັບຜົນກະທົບ, ຂະນະທີ່ຍັງມີໂຄງການອື່ນໆ ແລະ ໂຮງງານໄຟຟ້າແສງຕາເວັນທີ່ໄດ້ຮັບຄວາມເສຍຫາຍເຊັ່ນກັນ.
ໂຮງງານໄຟຟ້າແສງຕາເວັນ 25 ເມກາວັດ ກໍ່ໄດ້ຮັບຜົນກະທົບ ໜຶ່ງໃນໂຄງສ້າງສຳຄັນທີ່ໄດ້ຮັບຄວາມເສຍຫາຍແມ່ນ ໂຮງງານໄຟຟ້າພະລັງງານແສງຕາເວັນ ນູວາໂຄດ ຂະໜາດ 25 ເມກາວັດ, ຂະນະທີ່ໂຄງການພະລັງງານນ້ຳຫຼາຍແຫ່ງໃນພື້ນທີ່ປະສົບໄພ ຖືກກະແສນ້ຳ ແລະ ເສດຊາກສິ່ງເສດເຫຼືອພັດທຳລາຍ.
ຄວາມເສຍຫາຍດັ່ງກ່າວ ກຳລັງສ້າງຄວາມກັງວົນຕໍ່ສະຖຽນລະພາບດ້ານພະລັງງານຂອງເນປານ, ໂດຍສະເພາະໃນຊ່ວງລະດູແລ້ງ ທີ່ການຜະລິດໄຟຟ້ານ້ຳຕົກມີແນວໂນ້ມຫຼຸດລົງ ແລະ ອາດເຮັດໃຫ້ປະເທດຕ້ອງຫັນກັບໄປເພິ່ງພາການນຳເຂົ້າໄຟຟ້າຈາກອິນເດຍຫຼາຍຂຶ້ນ.
ກະທົບເຖິງການສົ່ງອອກໄຟຟ້າໄປອິນເດຍ ກ່ອນເກີດໄພພິບັດ, ເນປານເປັນຜູ້ສົ່ງອອກໄຟຟ້ານ້ຳຕົກໄປຍັງອິນເດຍໃນຊ່ວງທີ່ມີກຳລັງການຜະລິດສ່ວນເກີນ. ໂດຍເມື່ອວັນທີ 26 ສິງຫາ ເຊິ່ງເປັນມື້ທີ່ເກີດນ້ຳຖ້ວມ, ອິນເດຍໄດ້ນຳເຂົ້າໄຟຟ້າຈາກເນປານໃນຊ່ວງເວລາຄວາມຕ້ອງການສູງສຸດ ເຖິງປະມານ 963.4 ເມກາວັດ.
ແຕ່ຫຼັງເກີດໄພພິບັດ, ກຳລັງການຜະລິດທີ່ເສຍຫາຍໄດ້ເຮັດໃຫ້ປະລິມານໄຟຟ້າທີ່ເນປານສາມາດສົ່ງອອກໄດ້ຫຼຸດລົງຢ່າງຫຼວງຫຼາຍ, ແລະ ອາດສົ່ງຜົນກະທົບຕໍ່ລາຍໄດ້ຈາກການສົ່ງອອກໄຟຟ້າ ລວມທັງເຮັດໃຫ້ເນປານຕ້ອງພິຈາລະນານຳເຂົ້າໄຟຟ້າຈາກອິນເດຍເພື່ອຊົດເຊີຍກຳລັງການຜະລິດທີ່ຂາດຫາຍໄປ.
ໄພພິບັດຄັ້ງນີ້ຈຶ່ງບໍ່ພຽງແຕ່ສ້າງຄວາມເສຍຫາຍຕໍ່ເຮືອນຊານ, ຖະໜົນຫົນທາງ ແລະ ພື້ນທີ່ກະສິກຳເທົ່ານັ້ນ, ແຕ່ຍັງສົ່ງຜົນກະທົບໂດຍກົງຕໍ່ ລະບົບພະລັງງານ, ເສດຖະກິດ ແລະ ການຄ້າພະລັງງານຂ້າມຊາຍແດນຂອງເນປານ ໂດຍສະເພາະສົ່ງຜົນກະທົບຕໍ່ການສົ່ງອອກໄຟຟ້າໄປຍັງປະເທດອິນເດຍອີກດ້ວຍ.
