ໃນວັນທີ 4 ພຶດສະພາ 2026 ຄະນະກວດກາໄດ້ລົງກວດກາຄວາມສຳເລັດວຽກ (100%)ຂອງໂຄງການຟື້ນຟູ ແລະ ສ້ອມແປງຊົນລະປະທານຫ້ວຍໝາກຮຽວ, ຄະນະດັ່ງກ່າວນຳໂດຍ ທ່ານ ປອ. ຄຳພະຈັນ ວົງຊະນະ ຫົວໜ້າກົມຊົນລະປະທານ ແລະ ທ່ານ ສົມແພງ ໄຊຍະແສງ ຫົວໜ້າກົມກວດກາ ກະຊວງກະສະກຳ ແລະ ສິ່ງແວດລ້ອມ,ນອກຈາກ ນັ້ນຍັງມີວິຊາການ ແລະ ແຂກທີ່ຖືກເຊີນ ພ້ອມດ້ວຍອຳນາດການປົກຄອງບ້ານເຂົ້າຮ່ວມຢ່າງພ້ອມ ພຽງ.
ໃນການລົງຕິດຕາມ ແລະ ກວດກາຂອງຄະນະໃນຄັ້ງນີ້ ທ່ານ ວິໄລສັກ ລາຊາຣັກ ປະທານບໍລິສັດເຊົ່າເທິ້ນສະໂຕນ ສໍາຫຼວດ-ອອກແບບ ແລະ ກໍ່ສ້າງຈໍາກັດ ຜູ້ຮັບເໝົາກໍ່ສ້າງໄດ້ລາຍງານວ່າ: ທີ່ຕັ້ງຂອງໂຄງການແມ່ນຢູ່ເຂດບ້ານ ໝາກຮຽວ, ເມືອງ ປາກງື່ມ, ນະຄອນຫຼວງວຽງຈັນ, ຫ່າງຈາກໃຈກາງນະຄອນຫຼວງ ປະມານ 40 ກິໂລ ແມັດ. ເຊີ່ງໂຄງການມີເປົ້າໝາຍຕິດຕັ້ງຈັກສູບລະບາຍນໍ້າຖ້ວມ ແລະ ເກັບກັກນໍ້າເພື່ອທໍາການຜະລິດໃນລະດູ ແລ້ງ. ເຊີ່ງມີໄລຍະການປະຕິບັດສັນຍາ ແມ່ນ 5 ເດືອນ ແລະ ໄດ້ຂໍຕໍ່ສັນຍາ ອີກ 3 ເດືອນ. ເຊີ່ງປະກອບດວ້ຍ ໜ້າວຽມີດັ່ງນີ້:
1/ການກະກຽມເຄຼຍພື້ນທີ.
2/ວຽກກໍ່ສ້າງເຮືຶອນຈັກສູບນ້ຳ.
3/ວຽກຕິດຕັ້ງທໍ່ ແລະ ວຽກໄຟຟ້າ.
4/ທຸບມ້າງ ແລະ ກໍ່ສ້າງທາງເບຕົງຄືນໃໝ່.
5/ວຽກຄູກັນນ້ຳຊົ່ວຄາວ.
6/ວຽກປ່ຽນປະຕູນ້ຳຂື້ນລົງ.
7/ ປັບປຸງທາງຂື້ນຂອງປາ;
ມາຮອດປະຈຸບັນບັນດາໜ້າວຽກດັ່ງກ່າວໄດ້ສຳເລັດ 100% ແລະ ພ້ອມໃຊ້ງານ ແລະ ພາຍຫຼັງມີການມອບ-ຮັບແລ້ວມີໄລຍະການຄ້ຳປະກັນວຽກກໍ່ສ້າງທີ່ສຳເລັດແມ່ນ 365 ວັນ.
ຈາກນັ້ນປະທານບໍລິສັດພ້ອມດ້ວຍວິຊາການໄດ້ນຳພາຄະນະທີມງານດັ່ງກ່າວລົງເບີ່ງພື້ນທີ່ຕົວຈິງ ແລະ ໄດ້ທົດລອງປິດ-ເປີດ ເຄື່ອງຈັກລະບາຍນຳ້ ພ້ອມດວ້ຍອາຄານໂຮງເຮືອນຫົວຈັກດູດນຳ້, ປະຕູລະບາຍນ້ຳ ແລະ ພື້ນທີເທກັນດິນເຈື່ອນປາກປະຕູລະບາຍນຳ້ອີກດ້ວຍ.
ໃນເວລາຕໍ່ມາຄະນະທີມງານກວດກາກໍ່ໄດ້ສະແດງຄວາມຍ້ອງຍໍຊົມເຊີຍບໍລິສັດທີ່ໄດ້ປະຕິບັດໜ້າວຽກຈົນສຳເລັດຕາມເວລາທີ່ໄດ້ກຳນົດໄວ້ ແລະ ໄດ້ມີຄຳແນະນຳໂດຍສະເພາະບາງຈຸດຂອງໜ້າວຽກທີ່ເຫັນວ່າມີບາງອັນຕ້ອງໄດ້ມີການສອ້ມແປງຄືນເລັກນ້ອຍ ເພື່ອໃຫ້ໄດ້ຕາມມາດຖານທີ່ທາງໂຄງການອອກແບບໄວ້ໃຫ້ໄດ້ດີທີສຸດອີກດ້ວຍ.
ພາບ-ຂ່າວໂດຍ: ຂັນວິຈິດ
ພະແນກເຕັກໂນໂລຊີຂໍ້ມູນ-ຂ່າວສານ, ຫ້ອງການກະຊວງກະສິກຳ ແລະ ສິ່ງແວດລ້ອມ.
ອອກອາກາດ ທາງໂທລະພາບແຫ່ງຊາດ ຊ່ອງ1:
– ວັນພະຫັດ ເວລາ 17:30-18:00 ໂມງ;
– ວັນສຸກ ເວລາ 14:25-14:55 ໂມງ;
– ວັນອາທິດ ເວລາ 10:00-10:30 ໂມງ.
ອອກອາກາດ ທາງໂທລະພາບແຫ່ງຊາດ ຊ່ອງ3:
– ວັນອາທິດ ເວລາ 6:30-07:00 ໂມງ;
– ວັນອາທິດ ເວລາ 13:10-13:40 ໂມງ;
ທີ່ມາ:ຂ່າວສານກະສິກຳ ແລະ ສິ່ງແວດລ້ອມ
