ໃນວັນທີ 29 ພຶດສະພາ 2026, ກອງບັນຊາການ ປກສ ເຂດເສດຖະກິດພິເສດສາມຫຼ່ຽມຄຳ ຮ່ວມກັບ ຫ້ອງການຮັກສາຄວາມປອດໄພ ນຳໂດຍ ທ່ານ ພັອ ວິພາກອນ ສິງຈັນທາ ຮອງຫົວໜ້າກອງບັນຊາການ ປກສ ເຂດເສດຖະກິດພິເສດສາມຫຼ່ຽມຄຳ ເຄື່ອນໄຫວຕິດຕາມກວດກາ ຕຶກອາຄານບັນດາຄຸ້ມ ຢູ່ໃນເຂດເສດຖະກິດພິເສດສາມຫ່ຽມຄຳ ໂດຍໄດ້ແບງອອກເປັນ 4 ໂຊນຄື: ໂຊນ A ປະກອບມີ 19 ຄຸ້ມ, ໂຊນ B ປະກອບມີ 18 ຄຸ້ມ, ໂຊນ C ປະກອບມີ 3 ຄຸ້ມ ແລະ ໂຊນ D ປະກອບມີ 08 ຄຸ້ມ.
ຜ່ານການລົງຕິດຕາມກວດກາຕົວຈິງແມ່ນບໍ່ພົບເຫັນກຸ່ມຄົນທີ່ເຄືອນໄຫວອາດຊະຍາກໍຳສໍ້ໂກງຊັບທາງໂທລະຄົມ, ມີພຽງແຕ່ຄົນສັນຊາດມຽນມາຈຳນວນໜຶ່ງ ທີ່ອາໃສຢູ່ເປັນຄອບຄົວ ແລະ ເປັນຜູ້ດູແລປົກປັກຮັກສາຕຶກອາຄານ, ສ່ວນສະຖານທີ່ໂຮງແຮມ ແລະ ອາພາດເມັ້ນແມ່ນມີຄົນສັນຊາດຈີນຈຳນວນໜຶ່ງໄດ້ອາໃສພັກເຊົາຢູ່.
ສໍາລັບແຜນການໃນຕໍ່ໜ້າ ກອງບັນຊາການ ປກສ ເຂດເສດຖະກິດພິເສດສາມຫຼ່ຽມຄຳ ຈະສົມທົບກັບພາກສວນທີ່ກ່ຽວຂ້ອງ ສືບຕໍ່ດຳເນີນການຕິດຕາມເຝົ້າລະວັງ ແລະ ລົງກວດກາແຕ່ລະໂຊນເປັນປົກກະຕິ ປະຈຳອາທິດ ຖ້າຫາກມີຂໍ້ມູນແຫຼ່ງຂ່າວ ທີ່ມີມູນຄວາມຈິງແທ້ ວ່າມີການເຄື່ອນໄຫວສໍ້ໂກງຊັບທາງໂທລະຄົມ ແມ່ນຈະໄດ້ດຳເນີນການແກ້ໄຂຕາມລະບຽບກົດໝາຍ.
ທັງນີ້, ກໍເພື່ອເປັນການສະກັດກັ້ນກຸ່ມຄົນບໍ່ດີ ທີ່ຈະນຳໃຊ້ເຂດດັ່ງກ່າວເຄື່ອນໄຫວອາດສະຍາກຳສໍ້ໂກງຊັບທາງໂທລະຄົມ ແລະ ເພື່ອເຮັດໃຫ້ເຂດເສດຖະກິດພິເສດສາມຫຼ່ຽມຄຳ ມີຄວາມສະຫງົບ, ມີຄວາມປວດໄພ ແລະ ເປັນລະບຽບຮຽບຮ້ອຍ.
ຂ່າວຈາກ: ຄວາມສະຫງົບ Lao Security News
