ປກສ ແຂວງໄຊຍະບູລີ ລາຍງານວ່າ: ວັນທີ 4 ກັນຍາ 2026 ເຈົ້າໜ້າທີ່ຫ້ອງຕຳຫລວດ ປກສ ແຂວງສົມທົບກັບເຈົ້າໜ້າທີ່ກອງບັນຊາການ ປກສ ເມືອງໄຊຍະບູລີ ແຂວງໄຊຍະບູລີ ໄດ້ບຸກເຂົ້າກວດຄົ້ນ ມ້າງກຸ່ມແກ້ງສໍ້ໂກງຊັບທາງໂທລະຄົມ (ແກ້ງຄໍເຊັນເຕີ ຫລື ສະແກມເມີ) ທີ່ຮ້ານບັນເທີງ ໄນຄັບ ແລະ ເຮືອນພັກ ມີດາລາ ບ້ານສີມຸງຄຸນ ເມືອງໄຊຍະບູລີ ແຂວງໄຊຍະບູລີ.
ຜ່ານການກວດຄົ້ນ ສາມາດກັກໂຕເປົ້າໝາຍໄດ້ທັງໝົດ 50 ຄົນ, ຍິງ 20 ຄົນ. ໃນນີ້ ຄົນສັນຊາດໄທ 41 ຄົນ (ຍິງ 14 ຄົນ), ຄົນລາວ 9 ຄົນ (ຍິງ 6 ຄົນ) ແລະ ຍຶດເຄື່ອງຂອງກາງໄດ້:
• ປືນສັ້ນ 2 ກະບອກ ພ້ອມລູກປືນ 55 ລູກ,
• ຄອມພິວເຕີໂນດບຸກ 4 ໜ່ວຍ,
• ຄອມພິວເຕີຕັ້ງໂຕະ 2 ຊຸດ,
• ປິ່ນເຕີ 3 ເຄື່ອງ,
• ໝໍ້ເກບໄຟ 3 ໜ່ວຍ,
• ຫົວ Wi-Fi 4 ຫົວ
• ຊິມໂທລະສັບ 15 ຊິມ
• ໂທລະສັບມືຖື 103 ໜ່ວຍ,
• ໂຟນີ (Walkie-Talkie/ວິທະຍຸສື່ສານ) 4 ໜ່ວຍ,
ປະຈຸບັນ, ເຈົ້າໜ້າທີ່ກຳລັງດຳເນີນການສືບສວນ-ສອບສວນຜູ້ຖືກຫາ ເພື່ອຂະຫຍາຍຜົນຊອກຫາຫົວໂປ່ໂຕການ ແລະ ພັກພວກກຸ່ມແກ້ງ ມາຕາມຂັ້ນຕອນຂອງກົດໝາຍ.
