ວັນທີ 8 ກັນຍາ 2026, ທີ່ປະຊຸມຄະນະຮັດຖະມົນຕີ (ຄຣມ.) ຂອງໄທ ໄດ້ມີມະຕິເຫັນດີອະນຸມັດເງິນກູ້ ແກ່ ສປປ ລາວ ໃນໂຄງການກໍ່ສ້າງຂົວຂ້າມນໍ້າຂອງ ເຊື່ອມຕໍ່ລະຫວ່າງ ບ້ານຊຽງແມນ (ເມືອງຈອມເພັດ) ກັບ ນະຄອນ ຫຼວງພະບາງ ດ້ວຍງົບປະມານທັງໝົດ 1,783 ລ້ານບາດ ໂດຍຈະດໍາເນີນງານຜ່ານສໍາອົງການຄວາມຮ່ວມມືພັດທະນາເສດຖະກິດກັບປະເທດເພື່ອນບ້ານ (ສພພ. ຫຼື NEDA) ຂອງໄທ.
ໂຄງການດັ່ງກ່າວມີລາຍລະອຽດ ແລະ ເງື່ອນໄຂທີ່ສໍາຄັນດັ່ງນີ້:
– ຮູບແບບການສະໜອງທຶນ ຈະແບ່ງອອກເປັນ 2 ສ່ວນເທົ່າກັນ ຄື 50% ແມ່ນງົບປະມານລາຍປີຂອງລັດຖະບານໄທ (ຕັ້ງແຕ່ປີ ພ.ສ. 2571-2574) ແລະ ອີກ 50% ແມ່ນໃຫ້ ສພພ. ກູ້ຢືມຈາກສະຖາບັນການເງິນພາຍໃນປະເທດ ເພື່ອມາປ່ອຍກູ້ຕໍ່ໃຫ້ແກ່ລັດຖະບານ ສປປ ລາວ.
– ລັກສະນະຂອງໂຄງການ ເປັນການກໍ່ສ້າງຂົວຄອນກຣີດເສີມເຫຼັກຂ້າມນໍ້າຂອງ ຄວາມຍາວປະມານ 500 ແມັດ ພ້ອມທັງກໍ່ສ້າງທາງເຊື່ອມຕໍ່ (Approach Road) ເພື່ອເຊື່ອມເຂົ້າກັບລະບົບເສັ້ນທາງຫຼັກ.
ເພື່ອເປັນການສະໜັບສະໜູນພາກທຸລະກິດຂອງໄທ, ໂຄງການນີ້ກຳນົດໃຫ້ຕ້ອງໃຊ້ຜູ້ຮັບເໝົາກໍ່ສ້າງ ແລະ ວິສະວະກອນທີ່ປຶກສາຈາກປະເທດໄທ ລວມທັງຕ້ອງເລືອກໃຊ້ວັດສະດຸກໍ່ສ້າງທີ່ຜະລິດໃນໄທບໍ່ຕໍ່າກວ່າ 50% ຂອງມູນຄ່າສັນຍາ.
