ໃນຄັ້ງວັນທີ 27 ເມສາ 2026 ຜ່ານມານີ້ ໃນເວລາ 10 ໂມງ 30 ນາທີ ເຈົ້າໜ້າທີ່ຕໍາຫຼວດພະແນກຈະລາຈອນ, ພະແນກສະກັດກັ້ນ ແລະ ຕ້ານຢາເສບຕິດ ຫ້ອງຕໍາຫຼວດ ປກສ ແຂວງວຽງຈັນ ໄດ້ລົງສົມທົບກັບ ກອງບັນຊາການ ປກສ ເມືອງກາສີ ລັດກວດຄົ້ນລົດຫົວລາກ ແລະ ຫາງລາກ ຍີ່ຫໍ້ FAW ສີແດງ ໝາຍເລກທະບຽນ ບກ 5970 ຫຼວງນໍ້າທາ ແລະ ຫາງລາກ ຍີ່ຫໍ້ CIMC ໝາຍເລກທະບຽນ 5971 ພ້ອມທັງກັກຕົວ ທ້າວ ເຢຍ ຢ່າງ, ອາຍຸ 27 ປີ, ອາຊີບຂັບລົດ, ຢູ່ບ້ານນານ່ານ ເມືອງ ພູຄູນ ແຂວງຫຼວງພະບາງ ຢູ່ຈຸດກວດກາບ້ານ ໜອງຄຳ ເມືອງ ກາສີ ແຂວງວຽງຈັນ ຜ່ານການກວດຄົ້ນພົບເຫັນຢາເສບຕິດປະເພດຢາບ້າ ແລະ ຢາໄອສ໌ ທີ່ຊຸກເຊື່ອງໄວ້ພື້ນລົດຫາງລາກ ຢາບ້າຈຳນວນ 2,500 ແພັກນໍ້າໜັກເທົ່າກັບ 1,500 Kg ແລະ ຢາໄອສ໌ 500 Kg ປັດຈຸບັນຄະດີດັ່ງກ່າວເຈົ້າໜ້າທີ່ຕຳຫຼວດພະແນກສະກັດກັ້ນ ແລະ ຕ້ານຢາເສບຕິດ ປກສ ແຂວງວຽງຈັນ ພວມເລັ່ງການສືບສວນ-ສອບສວນ ຫາພວກຮ່ວມຂະບວນການມາດຳເນີນຄະດີຕາມລະບຽບກົດໝາຍຂອງບ້ານເມືອງ.
ຂ່າວ ປ້ອງກັນຄວາມສະຫງົບ ແຂວງວຽງຈັນ
