ສຶກສາອົບຮົມກຸ່ມໄວລຸ້ນຂັບຂີ່ລົດໄວ ແລະ ໃຊ້ສຽງດັງ ຖ້າຫາກເຮັດອີກ ຈະປະຕິບັດຕາມກົດໝາຍຢ່າງເດັດຂາດ
ທທ ວັນທີ 26 ມີຖຸນາ 2026 ພະແນກຕໍາຫລວດ ຈະລາຈອນ ປກສ ເມືອງໝື່ນ ແຂວວຽງຈັນ ໄດ້ກັກຕົວໄວລຸ້ນ ຂັບຂີ່ລົດໄວ ໃຊ້ສຽງດັງໃນຍາມກາງຄືນ ມາສຶກສາອົບຮົມ, ໂດຍການເຂົ້າຮ່ວມຂອງ ພັຕ ສອນທະວີ ລ້ວນພູວົງ ຮອງພະແນກຕໍາຫລວດ, ພັຕ ສິລິວັນ ສີອັກຄະສອນ ຮອງພະແນກຕຳຫລວດ ຫົວໜ້າກອງຈາລະຈອນ ແລະ ພາກສ່ວນກ່ຽວຂ້ອງ ເຂົ້າຮ່ວມ.
ກຸ່ມໄວລຸ້ນດັງກ່າວ, ຖືກເຈົ້າໜ້າທີ່ກັກໄວ້ໃນວັນທີ 1 ພຶດສະພາ 2026 ຜ່ານມານີ້, ພະແນກຕຳຫລວດຈະລາຈອນກອງບັນຊາ ການ ປກສ ເມືອງ ໄດ້ລົງເຄື່ອນໄຫວຕິດຕາມ ຕ້ານປະກົດການຫຍໍ້ ທໍ້ໃນສັງຄົມໂດຍສະເພາະຜູ້ໃຊ້ລົດໃຊ້ຖະໜົນເຊັ່ນ ຂັບຂີ່ລົດ ຈັກແຂ່ງກັນຕາມຖະໜົນຫົນທາງ, ດັດແປງສະພາບເຕັກນິກ, ລົດຈັກຢາງນ້ອຍ, ໃຊ້ທໍ່ສຽງດັງ.
ສາມາດກັກລົດຈັກດັດແປງສະພາບເຕັກນິກທັງໝົດ 11 ຄັນ ພ້ອມທັງ ນໍາຕົວກຸ່ມໄວລຸ້ນທີ່ກໍ່ເຫດຈໍານວນໜຶ່ງ ມາເຮັດບົດບັນທຶກ ສຶກສາອົບຮົມ ແລະ ແກ້ໄຂລົດຈັກ ທີ່ດັດແປງສະພາບເຕັກນິກລົດ.
ທີ່ມາ: ຂ່າວສານ ເມືອງໝື່ນ
