ພິທີເປີດບໍລິການລົດເມດ່ວນ (BRT) ເຊື່ອມຕໍ່ຈາກສະຖານີດັ່ງກ່າວ ຈັດຂຶ້ນໃນວັນທີ 20 ເມສານີ້, ເປັນກຽດເຂົ້າຮ່ວມຂອງທ່ານ ນາງ ວິໄລວອນ ຈັນທະລາຕີ ຮອງປະທານຄະນະກໍາມະການປົກຄອງນະຄອນຫຼວງວຽງຈັນ, ມີທ່ານ ຈັນທະລາ ພົມມະຈັກ ຫົວໜ້າກົມຂົນສົ່ງ ກະຊວງໂຍທາທິການ ແລະ ຂົນສົ່ງ, ທ່ານ ບຸນຍະວັດ ນິຣະໄຊ໌ ຫົວໜ້າພະແນກໂຍທາທິການ ແລະ ຂົນສົ່ງ ນະຄອນຫຼວງວຽງຈັນ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ການໃຫ້ບໍລິການລົດເມດ່ວນ (BRT) ມີສາຍທາງ: ຕະຫຼາດເຊົ້າ ຫາສວນເຈົ້າຟ້າງຸ່ມ
ຜ່ານ 4 ແຍກມະໂຫສົດ ແລ້ວແລ່ນຂຶ້ນຖະໜົນເສດຖາທິລາດ ໄປສະຖານີເຈົ້າຟ້າງຸ່ມ. ໂດຍການຈັດລະບຽບເສັ້ນທາງໃໝ່ຄື: ເລນຂວາ ແມ່ນລົດທົ່ວໄປແລ່ນ, ເລນກາງ ແມ່ນລົດເມດ່ວນ BRT ແລ່ນຂາລົງ ສ່ວນເລນຊ້າຍ ແມ່ນລົດເມດ່ວນ BRT ຂາຂຶ້ນ. ດັ່ງນັ້ນ, ຈຶ່ງຂໍຄວາມຮ່ວມມືນໍາບັນດານັກຂັບຂີ່ຈົ່ງພ້ອມກັນນໍາໃຊ້ລົດ ໃຊ້ຖະໜົນໃຫ້ຖືກເລນ ເພື່ອຄວາມປອດໄພຂອງທຸກຄົນ ທັງເປັນການຫຼຸດຜ່ອນບັນຫາອຸບັດ ເຫດທາງຖະໜົນ.
