ໃນວັນທີ 12 ກັນຍາ 2026 ເຈົ້າໜ້າທີ່ສະເພາະກິດ ກະຊວງປ້ອງກັນຄວາມສະຫງົບ ໄດ້ລົງມ້າງກຸ່ມແກ້ງກໍ່ອາຊະກໍາທາງອິນເຕີເນັດ ແລະ ການພະນັນອອນລາຍ ຢູ່ເຮືອນເຊົ່າ ບ້ານໜອງທາເໜືອ ຮ່ອມ7 ເມືອງຈັນທະບູລີ ແລະ ເຮືອນເຊົາຢູ່ ບ້ານໂພນເງິນ ເມືອງ ຫາດຊາຍຟອງ ນະຄອນຫຼວງວຽງຈັນ.
ຜ່ານການກວດຄົ້ນສາມາດກັກຕົວພວກກະທຳຜິດໄດ້ 13 ຄົນ; ໃນນີ້, ສັນຊາດຈີນ 12 ຄົນ ຍິງ 2 ຄົນ ແລະ ສັນຊາດລາວ ຍິງ 1 ຄົນ ພ້ອມຍຶດເຄື່ອງຂອງກາງມີ ໂທລະສັບ 13 ໜ່ວຍ, ຄອມພິວເຕີໂນດບຸກ 1 ໜ່ວຍ, ຄອມພິວເຕີຕັ້ງໂຕະ 4 ໜ່ວຍ, ປືນສັ້ນ 2 ກະບອກ, ລູກປືນ 19 ລູກ, ຢາຄ້າຍຄືຢາບ້າຈຳນວນ 1.494 ເມັດ, ຖັງອົກຊີ 2 ຖັງ ແລະ ເຄື່ອງຂອງກາງອື່ນໆອີກຈຳນວນໜື່ງ.
ປັດຈຸບັນ, ເຈົ້າໜ້າທີ່ກໍາລັງດໍາເນີນການສຶບສວນ-ສອບສວນຕໍ່ເປົ້າໝາຍດັ່ງກ່າວເພື່ອມາດຳຄະດີຕາມລະບຽບກົດໝາຍ; ໃນໂອກາດນີ້ ຂໍສະແດງຄວາມຂອບໃຈມາຍັງປະຊາຊົນ ແລະ ພົນລະເມືອງດີ ທີ່ໃຫ້ເບາະ ແສສໍາຄັນກ່ຽວກັບຂໍ້ມູນໃຫ້ທາງເຈົ້າໜ້າທີ່ຕຳຫຼວດ ແລະ ຮຽກຮ້ອງມາຍັງທົ່ວສັງຄົມຈົ່ງມີສະຕິລະວັງ ຕົວໃນການໃຊ້ສື່ສັງຄົມອອນລາຍຊ່ອງທາງຕ່າງໆ ເພື່ອບໍ່ໃຫ້ຕົກເປັນເຫຍື່ອຂອງ ກຸ່ມອາຊະຍະກຳທາງ ອິນເຕີເນັດ ແລະ ຖ້າພົບເຫັນບຸກຄົນ ຫຼື ນິຕິບຸກຄົນທີ່ສົງໃສວ່າເປັນການກໍ່ອາຊະນະກຳທາງອິນອີນເຕີ ເນັດ ໃຫ້ແຈ້ງຕໍ່ເຈົ້າໜ້າທີ່ຕຳຫຼວດທີ ເບີສາຍດ່ວນ 1533 ໄດ້ຕະຫຼອດ 24 ຊົ່ວໂມງ.
ພາບ-ຂ່າວ: ຄຳໂຖ
