ອົງການເອັນພີເອມີຄວາມເສຍໃຈທີ່ຕ້ອງແຈ້ງໃຫ້ຊາບວ່າ ພວກເຮົາຈະເລີ່ມຫຼຸດການປະຕິບັດງານຂອງພວກເຮົາຢູ່ ສປປ ລາວ ເຊິ່ງສົ່ງຜົນກະທົບໃຫ້ພະນັກງານທ້ອງຖິ່ນ ແລະ ພະນັກງານຕ່າງປະເທດຫຼາຍກວ່າ 1,000 ຄົນ.
ສະຖານະການນີ້ບໍ່ໄດ້ມີຜົນເນື່ອງມາຈາກການປະຕິບັດງານ ຫຼື ພຶດຕິກຳຂອງພະນັກງານ ຫຼື ຄຸນນະພາບ, ຄວາມສຳຄັນ ແລະ ຜົນໄດ້ຮັບສູງຂອງການປະຕິບັດວຽກຢູ່ ສປປ ລາວ.
ຫ້ອງການໃຫຍ່ຂອງອົງການເອັນພີເອ ໄດ້ຕັດສິນໃຈວ່າ ອົງການເອັນເອພີບໍ່ສາມາດເຮັດສັນຍາໃໝ່ໃດໆຮ່ວມກັບລັດຖະບານສະຫະລັດອາເມລິກາໄດ້ ເນື່ອງຈາກເງື່ອນໄຂໃໝ່ຂອງທຶນຊ່ວຍເຫຼືອ ທີ່ປະກາດໃຊ້ຕົ້ນປີນີ້.
ອົງການເອັນພີເອເຮັດວຽກຮ່ວມກັບລັດຖະບານລາວ ແລະ ຊຸມຊົນທີ່ໄດ້ຮັບຜົນກະທົບຈາກລະເບີດບໍ່ທັນແຕກ ເພື່ອກວດກູ້ເນື້ອທີ່ດິນທີ່ມີການປົນເປື້ອນ, ໄດ້ທຳລາຍລະເບີດຢ່າງປອດໄພ, ເຮັດການໂຄສະນາຄວາມສ່ຽງໄພຈາກລະເບີດບໍ່ທັນແຕກ ແລະ ສະໜັບສະໜູນການເຂົ້າເຖິງພື້ນທີ່ດິນຢ່າງປອດໄພ. ພວກເຮົາພາກພູມໃຈເປັນຢ່າງຍິ່ງໃນຄວາມທຸ້ມເທ ແລະ ການເຮັດວຽກແບບມືອາຊີບຂອງພະນັກງານຄົນລາວຂອງພວກເຮົາທຸກໆຄົນ ເຊິ່ງຫຼາຍຄົນໄດ້ອຸທິດຕົນຕໍ່ວຽກງານນີ້ມາດົນຫຼາຍປີ.
ເຖິງຢ່າງໃດກໍ່ຕາມ, ອົງການເອັນພີເອຍັງຄົງມຸ່ງໝັ້ນທີ່ຈະສະໜັບສະໜູນບຸລິມະສິດທີ່ສໍາຄັນແຫ່ງຊາດໃນວຽກງານລະເບີດທີ່ບໍ່ທັນແຕກ (ລບຕ). ອົງການເອັນພີເອຄາດຫວັງວ່າຈະໄດ້ຮັບທຶນສະໜັບສະໜູນຢ່າງຕໍ່ເນື່ອງຈາກລັດຖະບານນອກແວໃນປີ 2027 ໂດຍມີເປົ້າໝາຍເພື່ອຮັກສາຂີດຄວາມສາມາດໃນການປະຕິບັດງານຂະໜາດນ້ອຍເພື່ອໃຫ້ມີປະສິດຕິພາບ ແລະ ປະສິດຕິຜົນໃນພາກໃຕ້ຂອງລາວ ໃນຂະນະດຽວກັນ ອົງການເອັນພີເອຍັງຄົງສືບຕໍ່ຊອກຫາທຶນຊ່ວຍເຫຼືອ ຈາກຜູ້ໃຫ້ທຶນອື່ນຕໍ່ໄປ.
ອົງການເອັນພີເອຂໍສະແດງຄວາມຂອບໃຈຢ່າງສຸດຊື້ງມາຍັງລັດຖະບານລາວ, ລັດຖະບານສະຫະລັດອາເມລິກາ, ລັດຖະບານການາດາ, ລັດຖະບານນອກແວ, ພ້ອມກັບຄູ່ຮ່ວມງານທຸກໆທ່ານ, ພະນັກງານທຸກໆຄົນ ແລະ ທຸກຊຸມຊົນສຳລັບຄວາມໄວ້ວາງໃຈ, ການຮ່ວມມື ແລະ ການສະໜັບສະໜູນຕະຫຼອດຫຼາຍປີທີ່ຜ່ານມາ. ຈາກການຮ່ວມມືກັນດັ່ງກ່າວນີ້ ເຮັດໃຫ້ມີຄວາມຄືບໜ້າທີ່ສຳຄັນໃນວຽກງານການແກ້ໄຂຜົນກະທົບໄລຍະຍາວຂອງລະເບີດທີ່ບໍ່ທັນແຕກຢູ່ ສປປ ລາວ.
ກະລຸນາຊາບວ່າ ຫ້ອງການເອັນພີເອທຸກຫ້ອງການຢູ່ ສປປ ລາວ ແລະ ການປະຕິບັດງານຈະໄດ້ພັກໃນວັນທີ 9 ກັນຍາ ເພື່ອເປັນການໄວ້ອາໄລ ແລະ ສະແດງຄວາມເຄົາລົບຕໍ່ການເສຍຊີວິດຂອງເຈົ້າຊີວິດ ຮາຣັລດ໌ ທີ 5 ແຫ່ງນໍເວ.
ຂ່າວຈາກ: Norwegian People’s Aid Lao PDR ອົງການຊ່ວຍເຫຼືອລ້າຂອງປະຊາຊົນນອກແວ
