ສະພາບອາກາດ ປະຈຳວັນທີ (3 ກັນຍາ 2026) ຮ່ອງຄວາມກົດອາກາດຕ່ຳ ຫຼື ຮ່ອງຝົນ ຍັງພາດຜ່ານຢູ່ພາກກາງຂອງປະເທດລາວ ສົມທົບກັບກຳລັງຂອງລົມມໍລະສຸມຕາເວັນຕົກສ່ຽງໃຕ້ພັດປົກຄຸມ. ສະພາບດັ່ງກ່າວຈະເຮັດໃຫ້ມີຝົນຕົກ ຟ້າຮ້ອງ ຟ້າເຫຼື້ອມ ໃນລະດັບຄ່ອຍຢູ່ເກືອບທຸກພາກ, ແລະ ມີຝົນຕົກໃນລະດັບປານກາງ ຫາ ຕົກໜັກຢູ່ບາງທ້ອງຖິ່ນ ພ້ອມມີລົມພັດແຮງເປັນບາງໂອກາດ.
ສະພາບອາກາດຕາມແຕ່ລະພາກ:
- ພາກເໜືອ: ມີຝົນຕົກຄ່ອຍຫາປານກາງ, ເນື້ອທີ່ປົກຄຸມຂອງຝົນ 20% – 30%, ອຸນຫະພູມຕ່ຳສຸດ 18°C ຫາ 24°C ແລະ ສູງສຸດ 26°C ຫາ 31°C.
- ນະຄອນຫຼວງວຽງຈັນ: ມີຝົນຕົກ ຟ້າຮ້ອງ ຟ້າເຫຼື້ອມ, ເນື້ອທີ່ປົກຄຸມຂອງຝົນ 40% – 60% (ໂດຍສະເພາະເມືອງນາຊາຍທອງ ມີຝົນຕົກ 60%), ອຸນຫະພູມ 24°C ຫາ 31°C.
- ພາກກາງ ແລະ ໄຊສົມບູນ: ມີຝົນຕົກ ຟ້າຮ້ອງ ຟ້າເຫຼື້ອມ ເນື້ອທີ່ປົກຄຸມ 40% – 60%, ເຂດແຂວງໄຊສົມບູນ ແລະ ປາກຊັນ ມີຝົນຕົກກວມ 60%, ອຸນຫະພູມຕ່ຳສຸດ 17°C ຫາ 26°C.
- ພາກໃຕ້: ຝົນຕົກ ຟ້າຮ້ອງ ຟ້າເຫຼື້ອມ ກວມເອົາເນື້ອທີ່ 50% – 60% ເກືອບທຸກແຂວງ (ຈຳປາສັກ, ສາລະວັນ, ເຊກອງ, ອັດຕະປື), ເຂດເມືອງປາກຊ່ອງ ອາກາດເຢັນ ອຸນຫະພູມຕ່ຳສຸດ 16°C.
