ໃນຄັ້ງວັນທີ 17 ກໍລະກົດ 2026, ເຈົ້າໜ້າທີ່ ປກສ ແຂວງຫຼວງນໍ້າທາ ສົມທົບກັບເຈົ້າໜ້າທີ່ ປກສ ແຂວງບໍ່ແກ້ວ ສປປ ລາວ ໄດ້ມອບຜູ້ຖືກຫາສັນຊາດໄທ ທີ່ໄດ້ເຄື່ອນໄຫວກະທໍາຜິດກົດໝາຍ ຢູ່ ຫຼວງນໍ້າທາ ຂອງ ສປປ ລາວ ຈໍານວນ 22 ຄົນ, ຍິງ 13 ຄົນ ໃຫ້ ເຈົ້າໜ້າທີ່ຕຳຫຼວດ ແຫ່ງຣາຊະອານາຈັກໄທ ຢູ່ທີ່ ຂົວມິດຕະພາບ 4 ສປປ ລາວ ແລະ ແຂວງ ຊຽງຮາຍ ປະເທດໄທ.
ຕາງໜ້າຝ່າຍລາວມີ ທ່ານ ພັຕ ຕຸ້ຍ ອິນສະຫວັນ ຮອງຫົວໜ້າດ່ານຂົວມິດຕະພາບ 4, ທ່ານ ພັຕ ບຸນລັດ ນ້ອຍບຸນແກ້ວ ຮອງພະແນກເສດຖະກິດ ແຂວງ ຫຼວງນໍ້າທາ, ພ້ອມດ້ວຍຄະນະ, ຝ່າຍໄທ ພັທ ກິດຕະວັດ ອໍານາດ ຮອງຜູ້ກໍາກັບດ່ານ ກວດຄົນເຂົ້າ-ອອກເມືອງຊຽງແສນ, ພັຕ ນ ສະດາສາ ທະນະທິບ ຮອງດ່ານ ຕມ ຂົວ 4 ຊຽງຂອງ ແລະ ເຈົ້າໜ້າທີ່ກ່ຽວຂ້ອງທັງສອງຝ່າຍເຂົ້າຮ່ວມ.
ຜູ້ຖືກຫາຈຳນວນດັ່ງກ່າວແມ່ນຖືກຫາຄະດີສໍ້ໂກງຊັບທາງໂທລະຄົມ ແລະ ການສື່ສານ ( ແກ້ງສະແກມເມີ ); ການມອບ-ຮັບ ຜູ້ຖືກຫາໃນຄັ້ງນີ້ ແມ່ນປະຕິບັດຕາມທິດຊີ້ນໍາຂອງຂັ້ນເທິງ ກໍຄືການຮ່ວມມີລະຫວ່າງເຈົ້າໝ້າທີ່ປ້ອງກັນຄວາມສະຫງົບ ສປປ ລາວ ແລະ ເຈົ້າໝ້າທີ່ຝ່າຍໄທ ໃນການສະກັດກັ້ນ ແລະ ຕ້ານອາຊະຍາກໍາຂ້າມຊາດ, ໂດຍສະເພາະແມ່ນບັນຫາການສໍ້ໂກງຊັບທາງໂທລະຄົມ ແລະ ການລັກລອບເຂົ້າເມືອງໂດຍບໍ່ຖືກຕ້ອງ ທີ່ສ້າງຄວາມບໍ່ສະຫງົບໃຫ້ແກ່ສັງຄົມ.
ຂ່າວ: ປກສ ແຂວງບໍ່ແກ້ວ
