ປກສ ແຂວງສະຫວັນນະເຂດຈັບຕົວແອັດມີນເວບຫຼິ້ນການພະນັນອອນລາຍສັນຊາດໄທ 42 ຄົນ
ປກສ ແຂວງສະຫວັນນະເຂດ ລາຍງານວ່າ: ເວລາ 13:30 ໂມງ ຂອງວັນທີ 16 ກໍລະກົດ 2026 ເຈົ້າໜ້າທີ່ພະແນກຕຳຫຼວດປ້ອງກັນເສດຖະກິດ ຫ້ອງຕຳຫຼວດ ປກສ ແຂວງ ສະຫວັນນະເຂດ ໄດ້ເຂົ້າກວດຄົ້ນສະຖານທີ່ແຫ່ງໜຶ່ງຕັ້ງຢູ່ບ້ານນາເລົ່າ ນະຄອນໄກສອນ ພົມວິຫານ ພາຍຫຼັງໄດ້ຮັບການລາຍງານຈາກພົນລະເມືອງດີວ່າມີກຸ່ມຄົນຕ່າງປະເທດ ໄດ້ເຊົ່າສະຖານດັ່ງກ່າວທີ່ເປັນສາງເກັບເຄື່ອງ ມີການເຄື່ອນໄຫວຕະຫຼອດ 24 ຊົ່ວໂມງ.
ຜ່ານການກວດຄົ້ນສາມາດກັກຕົວຜູ້ຕ້ອງສົງໃສທີ່ມີການ ເຄື່ອນໄຫວເປັນແອັດມິນເວບຫຼິ້ນການພະນັນອອນລາຍ ສັນຊາດໄທ 42 ຄົນ ຍິງ 18 ຄົນ ແລະ ພົບເຫັນອຸປະກອນຄອມພີວເຕີຕັ້ງໂຕະ ແລະ ໂທລະສັບຈຳນວນຫຼາຍເຄື່ອງ ທີ່ນຳໃຊ້ເຂົ້າໃນການກະທຳຜິດ.
ປັດຈຸບັນ, ເຈົ້າໜ້າທີ່ກຳລັງດຳເນີນສືບສວນ-ສອບສວນຂະຫຍາຍຜົນຫາກຸ່ມແກ້ງຮ່ວມຂະບວນການ ແລະ ບຸກຄົນທີ່ມີສ່ວນພົວພັນມາດຳເນີນຄະະດີຕາມລະບຽບກົດໝາຍ.
ຂ່າວ: ປກສ ແຂວງສະຫວັນນະເຂດ
