ຮ່ອງຄວາມກົດດັນອາກາດຕ່ຳ ຫລື (ຮ່ອງຝົນ) ຍັງສືບຕໍ່ພາດຜ່ານເຂດພາກເໜືອ ຫາ ພາກກາງຂອງປະເທດລາວ, ສົມທົບກັບລົມມໍລະສຸມຕາເວັນຕົກສ່ຽງໃຕ້ພັດປົກຄຸມເປັນສ່ວນໃຫຍ່ ແລະ ພາຍຸໝຸນເຂດຮ້ອນໄມສັກ (Maysak) ຫົວທີ 10 ປະຈຳປີ 2026 ປັດຈຸບັນເຄື່ອນທີ່ຢູູ່ເຂດທະເລຈີນໃຕ້ຕອນກາງ ກຳລັງເຄື່ອນທີີ່ໄປທາງທິດຕາເວັນຕົກ-ຕາເວັນຕົກສ່ຽງໃຕ້ ແລະ ຄາດວ່າຈະເຄື່ອນທີ່ຮອດບໍລິເວນເກາະໄຮໜານ, ສປ ຈີນ ໃນວັນທີ 4 ກໍລະກົດ 2026 ຊຶ່ງຈະເຮັດໃຫ້ມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍ ຫາ ປານກາງເປັນບໍລິເວນກວ້າງ ແລະ ຈະມີຝົນຕົກໜັກ ພ້ອມຈະມີລົມພັດແຮງຢູູ່ບາງທ້ອງຖິ່ນໃນແຕ່ລະພາກ.
ດັັ່ງນັ້ນ, ຈຶ່ງແຈ້ງເຕືອນເຖິງປະຊາຊົນບັນດາເຜົ່າ, ອຳນາດການປົກຄອງທ້ອງຖິີ່ນ ແລະ ອົງການຈັດຕັ້ງທຸກພາກສ່ວນ ໃນແຕ່ລະພາກ ລວມທັງນະຄອນຫລວງວຽງຈັນ, ຈົ່ງມີສະຕິລະມັດລະວັງ ແລະກຽມພ້ອມຮັບມືຕໍ່ສະພາບຝົນຕົກປານກາງ ຫາ ຕົກໜັກຕິດຕໍ່ກັນຫລາຍວັນ ທີີ່ຈະເຮັດໃຫ້ມີນ້ຳຖ້ວມຊຸ, ດິນເຈື່ອນ ແລະ ນ້ຳຖ້ວມອັັ່ງໃນຕົວເມືອງ ຂໍໃຫ້ຕິດຕາມຂ່າວພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດ ຢ່າງຕໍ່ເນື່ອງ.
