ຈາກກໍລະນີການທຳຮ້າຍຮ່າງກາຍປະຊາຊົນ ຢູ່ບ້ານສວນມອນ ເມືອງສີສັດຕະນາກ ນະຄອນຫຼວງວຽງຈັນ ໃນຄັ້ງວັນທີ 3 ພຶດສະພາ 2026 ຜ່ານມາ ທີ່ເປັນກະແສວິພາກວິຈານໃນສື່ສັງຄົມອອນລາຍ, ຫຼ້າສຸດ ເຈົ້າໜ້າທີ່ ປກສສາມາດກັກຕົວຜູ້ກໍ່ເຫດໄດ້ແລ້ວ.
ຈາກການສອບສວນຂອງເຈົ້າໜ້າທີ່ລະບຸວ່າ: ຜູ້ກໍ່ເຫດຊື່ທ້າວ ສຸລິຍັນ ອາຍຸ 37 ປີ ແລະ ທ້າວ ສຸລິຍາ ອາຍຸ 35 ປີ ໄດ້ກໍ່ເຫດທຳຮ້າຍຮ່າງກາຍ ທ້າວ ອານົນ ເຊິ່ງກ່ອນເກີດເຫດທັງ 2 ໄດ້ໄປແປງແອ ຢູ່ທີ່ບ້ານສວນມອນ ກໍໄດ້ດື່ມແອວກໍຣໍ ກັນຈົນເມົາ ແລ້ວໃນລະຫວ່າງທີ່ທັງສອງກຳລັງຂັບລົດກັບບ້ານ ໄດ້ມີລົດເກັງສີດຳ ຂອງຜູ້ເສຍຫາຍ ໄດ້ຂັບມາຕັດໜ້າ ທັງ 2 ເຊິ່ງເກີດອາການໃຈຮ້າຍ ແລະ ໄດ້ບີບແກໄລ່ ຈົນລົດຄັນດຳ ຈອດ,ຜູ້ເປັນນ້ອງ ຈຶ່ງໄດ້ລົງໄປດຶງຜູ້ກ່ຽວລົງຈາກລົດ ແລະ ຍູ້ ຈົນຜູ້ເສຍຫາຍຫົວແຕກ ແລ້ວ ທັງ 2 ກໍໄດ້ຂຶ້ນລົດແລ້ວຂັບໜີໄປ.
ປັດຈຸບັນ, ທັງສອງຖືກເຈົ້າໜ້າທີ່ສອບສວນ ແລະ ດຳເນີນຄະດີຕາມກົດໝາຍ.
ຂ່າວ: ປ້ອງກັນຄວາມສະຫງົບ ນະຄອນຫຼວງວຽງຈັນ
