ສະຕາດອັບຈີນ “DeepSeek” ໄດ້ເປີດຕົວໂມເດວປັນຍາປະດິດຮຸ່ນໃໝ່ DeepSeek-V4 ໂດຍເນັ້ນຈຸດເດັ່ນຄືການຮອງຮັບຄຳສັ່ງຂໍ້ມູນຍາວສູງສຸດ 1 ລ້ານຄຳ ພ້ອມທັງຫຼຸດຕົ້ນທຶນການປະມວນຜົນ ແລະ ໜ່ວຍຄວາມຈຳຢ່າງມີນັຍສຳຄັນ ໃນຂະນະທີ່ການແຂ່ງຂັນດ້ານເທັກໂນໂລຊີລະຫວ່າງຈີນ-ສະຫະລັດກຳລັງຮ້ອນແຮງຂຶ້ນ
DeepSeek ສະຕາດອັບດາວຮຸ່ງຈາກເມືອງຫາງໂຈວ ຜູ້ຢູ່ເບື້ອງຫຼັງປະກົດການ “DeepSeek Shock” ທີ່ເຄີຍເຮັດໃຫ້ຫຸ້ນເທັກໂນໂລຊີທົ່ວໂລກຕົກລົງໃນປີກ່ອນ ໄດ້ປະກາດວ່າໂມເດວໃໝ່ນີ້ມີຄວາມສາມາດສູງຂຶ້ນ ແຕ່ໃຊ້ຊັບພະຍາກອນນ້ອຍລົງຢ່າງຫຼາຍ
ບໍລິສັດໄດ້ລະບຸຜ່ານ WeChat ແລະ X ວ່າ DeepSeek-V4 ສາມາດປະມວນຜົນຂໍ້ມູນທີ່ຍາວເຖິງ 1 ລ້ານຄຳ ຊຶ່ງເປັນລະດັບນຳໜ້າໂລກ ທັງໃນກຸ່ມໂມເດວລະດັບປະເທດ ແລະ ໂອເພນຊອສ ເຮັດໃຫ້ AI ສາມາດເຂົ້າໃຈຄຳສັ່ງຊັບຊ້ອນໄດ້ດີຂຶ້ນ
ສຳລັບການເປີດຕົວນີ້ DeepSeek ໄດ້ແບ່ງໂມເດວເປັນ 2 ຮຸ່ນ:
- DeepSeek-V4-Pro: ຮຸ່ນຫຼັກ ມີພາຣາມິເຕີສູງເຖິງ 1.6 ລ້ານລ້ານ ມີຄວາມສາມາດລະດັບໂລກ ໃກ້ຄຽງ Gemini-Pro-3.1 ຂອງ Google ແລະ ດີກວ່າໂມເດວໂອເພນຊອສອື່ນໆ
- DeepSeek-V4-Flash: ຮຸ່ນປະຢັດ ເນັ້ນຄວາມໄວ ແລະ ຄຸ້ມຄ່າ ມີພາຣາມິເຕີ 2.84 ແສນລ້ານ ເໝາະສຳລັບທຸລະກິດ ແລະ ນັກພັດທະນາ
ຈາງ ອີ້ ຜູ້ກໍ່ຕັ້ງ iiMedia ກ່າວວ່າ ການເປີດຕົວນີ້ເປັນ “ຈຸດຫັນສຳຄັນ” ຂອງອຸດສາຫະກຳ ເພາະມັນແກ້ໄຂບັນຫາຄວາມຊ້າ ແລະ ຕົ້ນທຶນສູງໃນການປະມວນຜົນຂໍ້ມູນຍາວ ເຮັດໃຫ້ AI ລະດັບສູງສາມາດນຳໃຊ້ໃນທາງທຸລະກິດໄດ້ຈິງ
ການເປີດຕົວນີ້ເກີດຂຶ້ນໃນຊ່ວງທີ່ຄວາມສຳພັນລະຫວ່າງຈີນ ແລະ ສະຫະລັດກຳລັງຕຶງເຄັ່ງ ໂດຍສະຫະລັດກ່າວຫາວ່າມີຄວາມພະຍາຍາມຂໂມຍເທັກໂນໂລຊີ AI
ໄມເຄິນ ແຄຣັດຊິອອສ ທີ່ປຶກສາດ້ານເທັກໂນໂລຊີ ກ່າວວ່າ ມີຫຼັກຖານວ່າມີການໃຊ້ເທັກນິກ “Distillation” ເພື່ອສ້າງໂມເດວທີ່ຖືກ ແລະ ມີປະສິດທິພາບໃກ້ຄຽງ
ຄວາມສຳເລັດຂອງ DeepSeek ໄດ້ກາຍເປັນຄວາມທ້າທາຍຕໍ່ບໍລິສັດໃນ Silicon Valley ເຊັ່ນ Meta ແລະ Microsoft ທີ່ຕ້ອງລົງທຶນຈຳນວນຫຼາຍ ໂດຍ Meta ໄດ້ປະກາດລົດພະນັກງານ 10% ເພື່ອນຳເງິນໄປພັດທະນາ AI
ແມ່ນແຕ່ຢ່າງໃດກໍຕາມ ເຖິງແມ່ນ DeepSeek ຈະເປັນທີ່ນິຍົມໃນຈີນ ໂດຍສະເພາະໃນພາກສາທາລະນະສຸກ ການເງິນ ແລະ ລັດຖະບານທ້ອງຖິ່ນ ແຕ່ກໍຍັງມີຄຳຖາມເກືອບກ່ຽວກັບຄວາມສ່ວນຕົວ ແລະ ການເຊັນເຊີເນື້ອຫາ ທີ່ມັກເກີດກັບ AI ຈາກຈີນ
ທີ່ມາ SCMP
