ທີມກູ້ໄພພ້ອມກັບທີມຜູ້ຊ່ຽວຊານດ້ານການດຳນ້ຳໃນຖ້ຳ ໄດ້ຈັດກອງປະຊຸມເພື່ອວາງແຜນການອົບພະຍົບຄົນຕິດຢູ່ໃນອອກຈາກຖ້ຳ
ນອກຈາກນີ້,ຜູ້ຊ່ຽວຊານດໍານໍ້າຖໍ້າຊຸດໃໝ່ ກຽມເຂົ້າຮ່ວມໃນພາລະກິດຊ່ວຍຜູ້ປະສົບໄພຕິດຄ້າງຖໍ້າ ທີ່ແຂວງໄຊສົມບູນ
ເພຈດໍານໍ້າກູ້ໄພປະເທດໄທລາຍງານເວລາ 13:37 ໂມງ ວັນທີ 29 ພຶດສະພາ ວ່າ: ທີມຜູ້ຊ່ຽວຊານດໍານໍ້າຖໍ້າ 4 ທ່ານ ຈາກ 4 ປະເທດ ກໍາລັງເດີນທາງມາ ສປປ ລາວ ເພື່ອມາຮ່ວມພາລະກິດຊ່ວຍປະຊາຊົນຕິດຖໍ້າ ທີ່ ແຂວງໄຊສົມບູນ, ໃນນັ້ນມີ:
1. Naruchit Kiatmaneesri ຈາກປະເທດໄທ
2. Robin Cuesta ຈາກປະເທດຝຣັ່ງ
3. Audita Harsono ຈາກປະເທດອິນໂດເນເຊຍ
4. Josh Richards ຈາກປະເທດອົດສະຕຣາລີ
ຍັງມີທີມນັກດຳນໍ້າ ທີມຊະໂດອຸດອນ ຈາກປະເທດໄທ ກໍຈະເຂົ້າຮ່ວມປະຕິບັດພາລະກິດນຳເຊັ່ນກັນ.
