ໃນວັນທີ 15 ພຶດສະພາ 2026 ຢູ່ທີ່ດ່ານສາກົນບໍ່ເຕນ-ບໍ່ຫານ ສປປ ລາວ-ສປ ຈີນ ໄດ້ມີພິທີມອບ-ຮັບຜູ້ຖືກຫາຄະດີສໍ້ໂກງຊັບທາງໂທລະຄົມ ( ຄໍເຊັນເຕີ) ສັນຊາດຈີນ ຈຳນວນ 79 ຄົນ, ຍິງ 2 ຄົນ ລະຫວ່າງ ກອງບັນຊາການ ປກສ ແຂວງບໍ່ແກ້ວ ສປປ ລາວ ແລະ ເຈົ້າໜ້າທີ່ ສປ ຈີນ ເພື່ອໄປດໍາເນີນຄະດີຕາມລະບຽບກົດໝາຍຂອງ ສປ ຈີນ.
ໃນພິທີໄດ້ມີການເຊັນບົດບັນທຶກມອບ-ຮັບຜູ້ຖືກຫາຢ່າງເປັນທາງການ ເຊິ່ງຕາງໜ້າຝ່າຍລາວ ໂດຍ ທ່ານ ພັທ ສອນເພັດ ຟອງສະໝຸດ ຫົວໜ້າພະແນກຕຳຫຼວດກວດຄົນເຂົ້າອອກເມືອງ ປກສ ແຂວງບໍ່ແກ້ວ ໂດຍມີຄະນະຮັບຜິດຊອບທາງສອງຝ່າຍເຂົ້າຮ່ວມ.
ຂ່າວ: ປກສ ແຂວງບໍ່ແກ້ວ
