ຕອນເຊົ້າຂອງມື້ນີ້(ວັນພະຫັດ 2 ເມສາ 2026) ເວລາປະມານ 06:48 ໂມງ ເກີດເຫດແຜ່ນດິນໄຫວຮຸນແຮງ ຂະໜາດປະມານ 7.4 – 7.6 ລິກເຕີ ໃນເຂດທະເລ ໂມລຸກກະ (Molucca Sea) ປະເທດອິນໂດເນເຊຍ, ແຮງສັ່ນສະເທືອນເຮັດໃຫ້ອາຄານຖະຫລົ່ມ, ຫລາຍພື້ນທີ່ສາມາດຮັບຮູ້ເຖິງແຮງສັ່ນສະ ເທືອນ ແລະ ມີໄຟຟ້າດັບໃນບາງຈຸດ. ເບື້ອງຕົ້ນມີລາຍງານວ່າ ພົບຜູ້ເສຍຊີວິດ 1 ຄົນ ເປັນຍິງສູງໄວ ອາຍຸ 70 ປີ.
ພາຍຫລັງເກີດເຫດ, ສູນເຕືອນໄພສຶນາມິທັງໃນ ອິນໂດເນເຊຍ ແລະ ສາກົນ ໄດ້ປະກາດເຕືອນໄພເປັນວົງກວ້າງ ເຊິ່ງກວມເອົາພື້ນທີ່ແຄມຝັ່ງຂອງອິນໂດເນເຊຍ ລວມເຖິງບາງສ່ວນຂອງ ຟີລິບປິນ ແລະ ມາເລເຊຍ ຍ້ອນມີຄວາມເປັນໄປໄດ້ທີ່ຈະເກີດຄື້ນສູງ.
ແນວໃດກໍຕາມ, ໃນເວລາຕໍ່ມາພົບວ່າ ຄື້ນທີ່ເກີດຂຶ້ນມີຄວາມສູງພຽງເລັກນ້ອຍ ບາງພື້ນທີ່ແທກໄດ້ປະມານ 75 ຊັງຕີແມັດ ແລະ ບໍ່ໄດ້ກໍ່ໃຫ້ເກີດຄວາມເສຍຫາຍຮຸນແຮງເພີ່ມເຕີມ, ຈຶ່ງເຮັດໃຫ້ໜ່ວຍງານທີ່ກ່ຽວຂ້ອງປະກາດ “ຍົກເລີກຄຳເຕືອນສຶນາມິ”.
ທັງນີ້, ທາງການອິນໂດເນເຊຍ ຍັງຕ້ອງເຝົ້າລະວັງເຫດການແຜ່ນດິນໄຫວຕາມມາ (Aftershocks) ທີ່ເກີດຂຶ້ນຢ່າງຕໍ່ເນື່ອງຫລາຍຄັ້ງ, ພ້ອມທັງແນະນຳໃຫ້ປະຊາຊົນບໍ່ໃຫ້ເຂົ້າໄປໃກ້ກັບອາຄານທີ່ເສຍຫາຍ ແລະ ໃຫ້ຕິດຕາມສະຖານະການຢ່າງໃກ້ຊິດ.
