ວັນທີ 13 ກຸມພາ 2026 ຫ້ອງສັນຕິບານ ກອງບັນຊາການ ປກສ ແຂວງວຽງຈັນ ອອກແຈ້ງການ ໃຫ້ອໍານວຍຄວາມສະດວກໃຫ້ແກ່ການເດີນທາງເຂົ້າ ສປປ ລາວ ຂອງພົນລະເມືອງລາວ ລາຍລະອຽດດັ່ງນີ້:
1. ໃຫ້ດ່ານ ຕມ ສາກົນບ້ານວັງ ແລະ ດ່ານ ຕມ ທ້ອງຖິ່ນຊະນະຄາມ ສ້າງເງື່ອນໄຂອໍານວຍຄວາມສະດວກໃຫ້ ພົນລະເມືອງລາວ ທີ່ຈະເດີນທາງເຂົ້າມາໃຊ້ສິດເລືອກຕັ້ງ ສະມາຊິກສະພາແຫ່ງຊາດຊຸດທີ X ແລະ ສະມາຊິກ ສະພາປະຊາຊົນ ແຂວງວຽງຈັນຊຸດທີ V.
2. ກໍລະນີເຈົ້າໜ້າທີ່ດ່ານ ຕມ ກວດກາພົບເຫັນເອກະສານເດີນທາງໝົດອາຍຸການນໍາໃຊ້ ແລະ ຢູ່ເກີນກຳນົດ ເວລາທີ່ທາງການອະນຸຍາດ ຫ້າມບໍ່ໃຫ້ເຈົ້າໜ້າທີ່ ຕມ ປະຈຳຢູ່ດ່ານຊາຍແດນປັບໃໝ ໂດຍເດັດຂາດ.
3. ໃຫ້ເລີ່ມຈັດຕັ້ງປະຕິບັດນັບແຕ່ ວັນທີ 14 ເຖິງວັນທີ 22 ກຸມພາ 2026 ພາຍຫລັງໝົດກໍານົດດັ່ງກ່າວ, ແມ່ນ ໃຫ້ປະຕິບັດຕາມກົດໝາຍ ຫລື ລະບຽບການເຂົ້າອອກເມືອງ.
ດັ່ງນັ້ນ, ຫ້ອງສັນຕິບານ ປກສ ແຂວງວຽງຈັນຈຶ່ງອອກແຈ້ງການສະບັບນີ້ແຈ້ງມາຍັງປະຕູດ່ານຊາຍ ແດນ ເພື່ອເປັນບ່ອນອີງໃຫ້ແກ້ການຈັດຕັ້ງປະຕິບັດ.
ທີ່ມາ:ໜັງສືພິມລາວພັດທະນາ
