ຝຣັ່ງ ແລະ ສະເປນ ກຳລັງຮັບມືກັບເຫດໄຟປ່າຄັ້ງຮຸນແຮງທີ່ສຸດຄັ້ງໜຶ່ງທີ່ພວກເຂົາເຈົ້າເຄີຍເຜີຍີນມາ, ໂດຍຕ້ອງໄດ້ອົບພະຍົບປະຊາຊົນລວມກັນແລ້ວຫຼາຍກວ່າ 330,000 ຄົນ, ເທີ່ຍວບິນຈຳນວນຫຼາຍຖືກຍົກເລີກ ຫຼື ລ່າຊ້າ.
ສຳນັກຂ່າວຕ່າງປະເທດລາຍງານເມື່ອວັນທີ 26 ກໍລະກົດ 2026 ວ່າ: ປະເທດຝຣັ່ງ ແລະ ສະເປນ ກຳລັງພະຍາຍາມຮັບມືກັບເຫດໄຟປ່າຄັ້ງໃຫຍ່ທີ່ກຳລັງລຸກລາມຢ່າງໜັກ ຈົນຖືກຍົກໃຫ້ເປັນໜຶ່ງໃນເຫດການໄຟປ່າຄັ້ງຮຸນແຮງທີ່ສຸດໃນປະວັດສາດຂອງທັງສອງປະເທດ, ສົ່ງຜົນໃຫ້ຕ້ອງສົ່່ງອົບພະຍົບປະຊາຊົນລວມແລ້ວຫຼາຍກວ່າ 330,000 ຄົນ.
ສະຖານະການໃນຝຣັ່ງ, ຢູ່ແຄວ້ນ ຊີຣົງ (Gironde) ທາedງຕາເວັນຕົກສ່ຽງໃຕ້ ຕ້ອງໄດ້ອົບພະຍົບປະຊາຊົນສະເພາະຊ່ວງຂ້າມຄືນວັນເສົາ-ອາທິດ ຫຼາຍກວ່າ 55,000 ຄົນ ແລະ ຖ້າລວມທັງພູມິພາກແມ່ນອົບພະຍົບໄປແລ້ວຫຼາຍກວ່າ 220,000 ຄົນ. ມີພື້ນທີ່ປ່າຖືກເຜົາໄໝ້ໄປແລ້ວປະມານ 42,000 ເຮັກຕາ, ແຕ່ຖ້າລວມທົ່ວປະເທດນັບຕັ້ງແຕ່ຕົ້ນປີມາ ແມ່ນມີພື້ນທີ່ຖືກໄຟປ່າເຜົາຜານໄປແລ້ວສູງເຖິງ 98,000 ເຮັກຕາ.
ສະຖິຕິດັ່ງກ່າວເຮັດໃຫ້ນີ້ເປັນໄຟປ່າຄັ້ງໃຫຍ່ທີ່ສຸດທີ່ຝຣັ່ງເຜີຍີນນັບຕັ້ງແຕ່ສົງຄາມໂລກຄັ້ງທີ 2 ເປັນຕົ້ນມາ. ໂດຍໃນຕອນນີ້ ກະແສລົມແຮງ ແລະ ສະພາບອາການແຫ້ງແລ້ງ ເຮັດໃຫ້ໄຟໝູນວຽນ ແລະ ລຸກລາມຢ່າງຄາດເດົາບໍ່ໄດ້, ແລ້ວກຳລັງມຸ່ງໜ້າເຂົ້າຫາເມືອງ ບອກໂດ (Bordeaux).
ຝຣັ່ງ ກຳລັງໃຊ້ເຈົ້າໜ້າທີ່ດັບເພີງຫຼາຍກວ່າ 2,500 ນາຍ, ລວມທັງທີມຊ່ວຍເຫຼືອຈາກສະວິດເຊີແລນ, ທະຫານ 1,500 ນາຍ ແລະ ຕຳຫຼວດເກືອບ 1,200 ນາຍ ເຂົ້າຄວບຄຸມສະຖານະການ. ໂດຍ ປະທານາທິບດີ ເອັມມານູແອນ ມາຄຣົງ ຢືນຢັນວ່າ ລັດຖະບານຈະຊ່ວຍຟື້ນຟູພື້ນທີ່ເສຍຮ້ອງຢ່າງເຕັມທີ.
ດ້ານຜົນກະທົບອື່ນໆ, ເມືອງຊາຍທະເລຄື ເລີ ປອກ (Le Porge) ເຮືອນຊານເສຍຮ້ອງໄປແລ້ວຫຼາຍກວ່າ 150 ຫຼັງ, ທ່ານກາງທາງການຕ້ອງໄດ້ສັ່ງປິດການຈາລະຈອນເທິງທາງຫຼວງສາຍ A63 ທີ່ມຸ່ງໜ້າໄປສະເປນ ເປັນໄລຍະທາງ 60 ກິໂລແມັດ.
ສ່ວນສະໜາມບິນ ບອກໂດ ຕ້ອງໄດ້ຈຳກັດການຈາລະຈອນທາງອາກາດ ເພື່ອເປີດທາງໃຫ້ແກ່ເຮືອບິນດັບເພີງ, ສົ່ງຜົນໃຫ້ເທີ່ຍວບິນພາານິດລ່າຊ້າ ແລະ ຖືກຍົກເລີກຈຳນວນຫຼາຍ. ການແຂ່ງຂັນລົດຖີບ “ຕູ ເດີ ຟຣັ່ງ” (Tour de France) ສະໜາມສຸດທ້າຍຢູ່ປາຣີ ກໍຕ້ອງໄດ້ປັບຫຼຸດໄລຍະທາງລົງ ເພື່ອລະດົມກຳລັງເຈົ້າໜ້າທີ່ໄປຊ່ວຍດັບໄຟອີກດ້ວຍ.
ໃນຂະນະດຽວກັນ, ຢູ່ສະເປນ ມີການອົບພະຍົບປະຊາຊົນໄປແລ້ວຫຼາຍກວ່າ 90,000 ຄົນ, ໂດຍສະເພາະໃນພື້ນທີ່ອ້ອມຂ້າງນະຄອນຫຼວງ ມາດຣິດ ແລະ ແຄວ້ນ ອາບິລາ (Ávila) ມີພື້ນທີ່ເສຍຮ້ອງລວມຫຼາຍກວ່າ 77,000 ເຮັກຕາ, ເຮັດໃຫ້ເຫດການນີ້ກາຍເປັນໄຟປ່າຄັ້ງຮຸນແຮງທີ່ສຸດໃນປະວັດສາດສະໄໝໃຫມ່ຂອງສະເປນ.
ນອກຈາກນັ້ນ, ຍັງເກີດກຸ່ມໄຟປ່າໃຫມ່ໃກ້ເມືອງ ບາເລນເຊຍ (Valencia) ໂດຍເຈົ້າໜ້າທີ່ທ້ອງຖິ່ນລະບຸວ່າ ໄຟປ່າລຸກລາມເກີນກວ່າຄວາມສາມາດໃນການດັບໄດ້ແລ້ວ ເນື່ອງຈາກອຸນຫະພູມທີ່ສູງ ແລະ ຄວາມຊຸ່ມຕ່ຳ.
ທັງນີ້, ປັດຈຸບັນເຫດໄຟປ່າເຮັດໃຫ້ມີເຈົ້າໜ້າທີ່ດັບເພີງເສຍຊີວິດ 2 ນາຍຢູ່ຝຣັ່ງ ແລະ ພົນລະເຮືອນເສຍຊີວິດ 1 ລາຍຢູ່ສະເປນ.
ທີ່ມາ: BBC
