ອີງຕາມ ກົດໝາຍວ່າດ້ວຍໄຟຟ້າ (ສະບັບປັບປຸງ), ເລກທີ 19/ສພຊ, ລົງວັນທີ 09 ພຶດສະພາ 2017.
ອີງຕາມ ແຈ້ງການຂອງ ຫ້ອງການກະຊວງອຸດສາຫະກຳ ແລະ ການຄ້າ, ສະບັບເລກທີ 1639/ພບ.ຫກ, ລົງວັນທີ 18 ພຶດສະພາ 2026.
ລັດວິສາຫະກິດໄຟຟ້າລາວ (ຟຟລ) ຂໍຖືເປັນກຽດແຈ້ງມາຍັງບັນດາຜູ້ຊົມໃຊ້ໄຟຟ້າ ໃນຂອບເຂດທົ່ວປະເທດ ຮັບ ຊາບວ່າ ລັດຖະບານເຫັນດີຮັບຮອງ ການປັບປຸງລາຄາຈໍາໜ່າຍ ໄຟຟ້າພາກທີ່ຢູ່ອາໃສ ເລີ່ມແຕ່ເດືອນ ພຶດສະພາ 2026 ເຖິງ ເດືອນ ທັນວາ 2029, ເຊິ່ງມີລາຍລະອຽດ ດັ່ງນີ້:
1. ອັດຕາຄ່າໄຟຟ້າພາກທີ່ຢູ່ອາໄສ ເດືອນ ພຶດສະພາ 2026 ເຖິງ ເດືອນ ທັນວາ 2029 (ເບິ່ງລາຍລະອຽດຢູ່ຄອມເມັ້ນ)
2. ອັດຕາລາຄາໄຟນີ້ ແມ່ນຍັງບໍ່ໄດ້ລວມ ອາກອນມູນຄ່າເພີ່ມ ແລະ ຄ່າບຳລຸງຮັກສາໝໍ້ນັບໄຟ.
3. ອັດຕາລາຄາໄຟນີ້ ເລີ່ມນໍາໃຊ້ໃນຮອບຜະລິດບິນ ເດືອນ ມິຖຸນາ ປີ 2026 (ເປັນການຄິດໄລ່ຄ່າໄຟ ຈາກການຊົມໃຊ້ ພະລັງງານໃນເດືອນ ພຶດສະພາ ປີ 2026) ເປັນຕົ້ນໄປ.
4. ແຈ້ງການສະບັບນີ້ ໃຊ້ປ່ຽນແທນແຈ້ງການລາຄາໄຟຟ້າພາກທີ່ຢູ່ອາໃສ ໃນແຈ້ງການສະບັບເລກທີ 3410/ຟຟລ.ຝທຜ, ລົງວັນທີ 24/09/2025, ແຈ້ງການສະບັບໃດ ທີ່ຂັດດັບັງການສະບັບນີ້ ລ້ວນແຕ່ຖືກຍົກເລີກ ແລະ ນໍາໃຊ້ແຈ້ງການສະບັບນີ້ປ່ຽນແທນ.
