ເມື່ອບໍ່ດົນມານີ້, ບໍລິສັດທາງລົດໄຟ ລາວ-ຈີນ ຈຳກັດ ໄດ້ຈັດການແຂ່ງຂັນກິລາບານບ້ວງມິດຕະພາບ 3X3 ພາຍໃຕ້ຫົວຂໍ້ “ທາງເຊື່ອມໃຈ ບານບ້ວງເຊື່ອມມິດຕະພາບ” “China-Laos Railway Golden Road Cup 3v3” ທີ່ເດີ່ນກິລາໃນຮົ່ມໂຮງຮຽນນາໆຊາດວຽງຈັນ ນະຄອນຫຼວງວຽງຈັນ ໂດຍການເຂົ້າຮ່ວມຂອງຄະນະກຳມະການສູນກາງສະຫະພັນຊາວໜຸ່ມກອມມູນິດລາວ, ສະຖານທູດຈີນປະຈຳລາວ, ກະຊວງການເງິນ, ຄະນະກຳມະການຮ່ວມມືລາວ-ຈີນ, ທະນາຄານອຸດສາຫະກຳ ແລະ ການຄ້າຈີນສາຂາລາວ, ການໄຟ ຟ້າພາກໃຕ້ຈີນ, ບໍລິສັດພະລັງງານນິວເຄຣຍຈີນທົ່ວໄປ, ທີມແພດຈີນປະຈຳລາວ, ຄະນະກໍາມະການຕັດສິນ ພ້ອມດ້ວຍນັກກິລາເຂົ້າຮ່ວມ.
ການແຂ່ງຂັນຄັ້ງນີ້, ເພື່ອເນັ້ນໃຫ້ນັກກິລາທຸກໆຄົນທີ່ເຂົ້າຮ່ວມ ຍຶດໝັ້ນຫຼັກການ “ມິດຕະພາບມາກ່ອນການແຂ່ງຂັນ,” ເຄົາລົບການຕັດສິນຂອງຜູ້ຕັດສິນ (ຄະນະກຳມະການ), ຄູ່ແຂ່ງ ແລະ ຜູ້ຊົມ. ຜູ້ເຂົ້າຮ່ວມຕ້ອງປະຕິບັດຕາມກົດລະບຽບການແຂ່ງຂັນຢ່າງເຂັ້ມງວດ, ແຂ່ງຂັນໃນລັກສະນະທີ່ສຸພາບ, ປອດໄພ ແລະ ມີມິດ ຕະພາບ. ຊຶ່ງມີນັກກິລາເຂົ້າຮ່ວມທັງໝົດ 12 ທີມ. ກິລາບານບ້ວງ 3×3 ມີສະມາຊິກທັງໝົດ 4 ຄົນຕໍ່ທີມ (ຜູ້ຫຼິ້ນໃນສະໜາມ 3 ຄົນ ແລະ ຜູ້ຫຼິ້ນສໍາຮອງ 1 ຄົນ) ເງື່ອນໄຂຜູ້ເຂົ້າຮ່ວມຕ້ອງເປັນພະນັກງານສົມບູນຂອງອົງການຈັດຕັ້ງຂອງຕົນ, ມີສຸຂະພາບແຂງແຮງ ແລະ ບໍ່ມີພະຍາດປະຈຳຕົວ.
ຜ່ານການແຂ່ງຂັນທີ 1 ທີມທະນາຄານອຸດສາຫະກຳ ແລະ ການຄ້າ (ICBC), ທີ 2 ທີມບໍລິສັດ ເຕັກໂນໂລຊີພະລັງງານຈົງກວາງເຫີ (ລາວ) ຈຳກັດ ແລະ ທີ 3 ບໍລິສັດການລົງທຶນຮ່ວມລາວ-ຈີນ ຈຳກັດ. ສຳລັບລາງວັນແຕ່ລະທີມຈະໄດ້ຮັບຖ້ວຍລາງວັນ, ໃບຍ້ອງຍໍ ພ້ອມເງິນລາງວັນຈຳນວນໜຶ່ງ.
ຂ່າວ: ບໍລິສັດທາງລົດໄຟລາວ-ຈີນ
