ເກີດເຫດຊາຍຄົນໜຶ່ງ ສີດພົ່ນສານເຄມີບໍ່ຊາບຊະນິດ ພາຍໃນສູນການຄ້າສຸດຫຼູ “ກິນຊາ ຊິກຊ໌” (Ginza Six) ຍ່ານກິນຊາ ໃຈກາງນະຄອນຫຼວງໂຕກຽວ ປະເທດຍີ່ປຸ່ນ ເມື່ອຊ່ວງທ່ຽງຂອງວັນທີ 25 ພຶດສະພາ ສົ່ງຜົນໃຫ້ມີປະຊາຊົນ 25 ຄົນ ມີອາການລະຄາຍເຄືອງຄໍ ແລະ ບໍ່ສະບາຍຕົນຕົວ ໂດຍໃນນັ້ນມີ 19 ຄົນ ຖືກນຳຕົວສົ່ງໂຮງໝໍ ແຕ່ທັງໝົດຍັງມີສະຕິຮູບສຶກຕົວດີ.
ກົມຕຳຫຼວດນະຄອນຫຼວງໂຕກຽວ ລະບຸວ່າ: ຜູ້ກໍ່ເຫດເປັນຊາຍ ໄດ້ສີດພົ່ນສະເປຣ (Spray) ຢູ່ບໍລິເວນຕູ້ເອທີເອັມ (ATM) ຂອງທະນາຄານ ທີ່ຕັ້ງຢູ່ຊັ້ນ 1 ຂອງອາຄານ ຈາກນັ້ນໄດ້ຫຼົບໜີໄປ. ເຊິ່ງໃນເວລານີ້ ເຈົ້າໜ້າທີ່ພວມຢູ່ໃນລະຫວ່າງການເລັ່ງຕິດຕາມຕົວ ແລະ ສືບສວນສອບສວນໃນຄະດີທຳຮ້າຍຮ່າງກາຍ.
ຜູູ້ເຫັນເຫດການໃນທີ່ເກີດເຫດ ເປີດເຜີຍວ່າ: ພາຍໃນອາຄານມີກິ່ນສະຫລຸນ (ກິ່ນເໝັນຄັ່ງ) ຢ່າງຮຸນແຮງ ຜູ້ຄົນພາກັນໄອ ແລະ ເອົາມືອັດປາກ ບາງຄົນມີອາການແສບຄໍ, ລະຄາຍເຄືອງຄໍ ແລະ ມີອາການຄ້າຍຄືມຶນຊາ. ຫຼັງເກີດເຫດ ເຈົ້າໜ້າທີ່ດັບເພີງໃນຊຸດປ້ອງກັນສານອັນຕະລາຍ ໄດ້ເຂົ້າກວດສອບ ແລະ ອົບພະຍົບຜູ້ຄົນອອກຈາກພື້ນທີ່ໃນທັນທີ.
