ວັນທີ 3 ກຸມພາ 2026 ເວລາປະມານ 22:00 ໂມງ ເກີດເຫດໄຟໄໝ້ເຮືອນປະຊາຊົນ ເສຍຫາຍເກືອບ 1,000 ຫລັງ ຢູ່ເຂດ ບາຮັງໄກລາມິອອນ ເມືອງບອງເກົາ ປະເທດຟິລິບປິນ.
ການຄວບຄຸມເພີງເປັນໄປດ້ວຍຄວາມຫຍຸ້ງຍາກ ໄຟໄດ້ໄໝ້ລຸກລາມຢ່າງໄວວາ ເຈົ້າໜ້າທີ່ໃຊ້ເວລາປະມານ 4 ຊົ່ວໂມງຈຶ່ງສາມາດຄວບຄຸມໄຟໄດ້.
ຜູ້ປະສົບໄພຖືກອົບພະຍົບໄປພັກອາໄສຢູ່ ສູນອອກກຳລັງກາຍ MSU Amilbahar ແລະ ສູນອົບພະຍົບປະຈຳແຂວງ ຊົ່ວຄາວ, ຍັງບໍ່ມີລາຍງານຜູ້ໄດ້ຮັບບາດເຈັບຫລືເສຍຊີວິດ. ປັດຈຸບັນເຈົ້າໜ້າທີ່ກຳລັງເລັ່ງສອບສວນຫາສາເຫດທີ່ກໍ່ໃຫ້ເກີດໄຟໄໝ້ຄັ້ງນີ້ຢູ່.
ຂໍ້ມູນ: World Forum ພາບ: MDRRMO Bongao / Edwin Kashim
