ປກສ ແຂວງຊຽງຂວາງ ລາຍງານວ່າ: ວັນທີ 30 ມັງກອນ 2026 ຫ້ອງການກວດກາ ຄວບຄຸມຢາເສບຕິດ ກົມໃຫຍ່ຕຳຫລວດ ສົມທົບກັບ ພະແນກກວດກາ ແລະ ຄວບຄຸມຢາເສບຕິດ ກອງບັນຊາການປ້ອງກັນຄວາມສະຫງົບແຂວງຊຽງຂວາງ ແລະ ກຳລັງ ປກຊ-ປກສ ເມືອງຄູນແຂວງຊຽງຂວາງ ພ້ອມດ້ວຍພາກສ່ວນກ່ຽວຂ້ອງ ລົງທຳລາຍຢາຝິ່ນທີ່ປະຊາຊົນລັກລອບປູກ ຢູ່ພູແຄ ເມືອງຄູນ ແຂວງຊຽງຂວາງ.
ສວນຝິ່ນທີ່ປະຊາຊົນລັກລອບປູກມີ 4 ຕອນ ເນື້ອທີ່ທັງໝົດ 4000 ກວ່າຕາແມັດ ພ້ອມທັງໄດ້ນຳຕົວຜູ້ທີ່ລັກລອບປູກຝິ່ນມາສຶກສາອົບຮົມກ່າວເຕືອນ ແລະ ດຳເນີນຄະດີຕາມກົດໝາຍ.
